Málefnahópar

Til að endurspegla raddir sem flestra aðildarfélaga leitar ráðið reglulega til fulltrúa þeirra í málefnavinnu sinni. Fyrir stærri verkefni, líkt og Viðskiptaþing, skýrslugerð eða stórar ályktanir hefur Viðskiptaráð stofnað vinnu- og rýnihópa í þessum tilgangi. Með því að taka þátt í málefnahópum gefst fulltrúum fyrirtækja dýrmætt tækifæri á að koma skilaboðum áleiðis.

Nýverið skipaði stjórn ráðsins nefndir sem marka munu stefnuna í mismunandi viðfangsefnum. Vinna þessara málefnahópa er í fullum gangi, en þeir eru þrír og fjalla um:

• Sjálfbærni atvinnulífsins
• Umhverfi til nýsköpunar
• Áherslur í efnahagsmálum

Verkefni hópanna eru í mótun, en upplýst verður um þau jafnóðum og þau taka á sig nánari mynd. Vilji félagar Viðskiptaráðs koma áleiðis ábendingum og tillögum til hópanna tengd málefnasviðum þeirra má hafa samband við starfsmann hvers hóps.