Beint į leišarkerfi vefsins

ATA Carnet

Į vegum Alþjóðatollasamvinnuráðsins í Brussel er í gildi tollsamþykkt um ATA Carnet skírteini sem heimilar tímabundinn útflutning á vörum og vörusýnishornum. Ætlast er til að viðkomandi vörur séu fluttar til baka innan eins árs eftir notkun í einu eða fleiri löndum. Í einstaka tilvikum kann fresturinn að vera styttri.

Umsókn um skírteini

Hvaða réttindi veitir ATA?
Handhafi ATA skírteinis greiðir hvorki tolla né önnur aðflutningsgjöld í þeim löndum sem eru aðilar ATA samningsins, en þau eru um 71 talsins. Á vef Alþjóðaviðskiptaráðsins (ICC) er að finna ýmsar gagnlegar upplýsingar um ATA, en hér að neðan eru aðrir nytsamlegir hlekkir:

Helstu vörutegundir
Helstu vörutegundir sem fluttar hafa verið út á ATA skírteinum á undanförnum árum eru: Kvikmyndatæki, sjávarútvegsvörur vegna sýninga, tölvur og hugbúnaður, listaverk og leikmunir, hljómflutningstæki, mælitæki og rafeindatæki, fatnaður og fleira.

Hvar og hvernig fæst ATA skírteini?
ATA skírteini eru gefin út hjá Viðskiptaráði Íslands og þarf að sækja um útgáfu þeirra með tveggja daga fyrirvara. Til að tollyfirvöld geti staðfest ATA skírteinið ber að merkja vörurnar með nafni framleiðanda, með vörumerki/framleiðslumerki auk þess að tiltaka fjölda þeirra og verðmæti.

Hvað kostar ATA þjónustan?
Kostnaður vegna ATA skírteina fer eftir verðmæti varanna sem fluttar eru út samkvæmt skírteininu. Viðskiptaráðið hefur fimm gjaldflokka eftir verðmæti varanna (Í öllum verðflokkum er 35.000 kr. skilagjald):

  • 0-1 milljón. Kostnaður er 23.900 kr. auk vsk.
  • 1-3 milljónir. Kostnaður er 27.090 kr. auk vsk.
  • 3-5 milljónir. Kostnaður er 31.855 kr. auk vsk.
  • 5-10 milljónir. Kostnaður er 39.800 kr. auk vsk.
  • 10+ milljónir. Kostnaður er 55.750 kr. auk vsk.

Auk þess er boðið upp á flýtimeðferð, en einnig er tekið aukagjald fyrir umfangsmeiri skírteini. Verð fyrir þá þjónustu er eftirfarandi:

  • Gjald fyrir flýtimeðferð með afgreiðslu samdægurs 11.000 kr.
  • Įlag vegna fleiri en 40 tegunda 11.000-22.000 kr. (eftir umfangi).
  • Gjald fyrir aukaviðvik, aukaálag vegna stærðar skírteinis, sérstakar bréfaskriftir við erlend tollayfiröld o.þ.h. 5.540-26.000 kr. (eftir umfangi).
  • Geymslugreiðslugjald 10.400 kr. auk vsk. fyrir hverja greiðslu.

Félagakjör
Félagar í Viðskiptaráði Íslands fá 75% afslátt af ofangreindum gjöldum að skilagjaldi og flýtimeðferð frátöldu. Auk þess þarf fjárhæð trygginga alla jafna aðeins að nema 25% af heildarverðmæti skírteinis, í stað 50%. Þá fá umsóknir félaga forgang í afgreiðslu. Afslættir eru aðeins veittir ef árgjöld og aðrar greiðslur til Viðskiptaráðs eru í skilum. Viðskiptaráð áskilur sér rétt til að hafna afsláttum, móttöku víxla og afgreiðslu ATA skírteina ef greiðslusaga viðkomandi gefur ástæðu til.

Tryggingar
Til viðbótar þarf að skila inn tryggingum samkvæmt ákvörðun Viðskiptaráðs hverju sinni, ýmist í formi geymslugreiðslu eða bankaábyrgðar.

Auk þessara trygginga verður eftir atvikum krafist ábyrgðaryfirlýsingar forsvarsmanna fyrirtækisins, sérstaklega fyrir tvo hæstu verðflokkana. Almennt er miðað við að fjárhæð geymslugreiðslna og bankaábyrgða nemi um helmingi af verðmæti varanna. Gildistími trygginga þarf að vera tvö ár frá útgáfudegi skírteinis.

Ekki verður tekið við tryggingavíxlum vegna ATA Carnet skírteina frá og með 01.01.2014, aðeins bankaábyrgðum og geymslugreiðslum.
Tollmeðferð - stimplun
Žegar Viðskiptaráð hefur gefið út ATA skírteini þarf viðkomandi aðili að láta skírteinið fylgja vörunni í tollafgreiðslu. Tollurinn á Íslandi þarf bæði að stimpla skírteinið út úr landi og inn í landið þegar varan snýr aftur. Að sama skapi þarf Tollurinn í viðkomandi innflutningsríki að stimpla vöruna inn í landið og aftur út. Sé varan og þ.a.l. skírteinið flutt með þriðja aðila, t.d. flutningsmiðlara, er rétt að brýna þetta ferli fyrir þeim aðila.

Skil á skírteininu og endurgreiðsla skilagjalds
Handhöfum ATA skírteinis ber að skila því til Viðskiptaráðs áður en gildistími þess er útrunninn (þ.e. yfirleitt innan árs). Þá verður skilagjald endurgreitt.

Greiðsla á aðflutningsgjöldum
Ef hluti af þeim vörum sem tilgreindar eru á ATA skírteini er seldur eða hverfur erlendis ber að tilkynna það tollyfirvöldum í því landi vegna tollmeðferðar, þ.e. greiðslu tolla og tengdra gjalda af þeim vörum sem um ræðir. Framvísa þarf skírteininu og leiðrétta það í samræmi við breytta stöðu vegna þessa. Nánari upplýsingar veitir Hulda Sigurjónsdóttir.

Tengt efni:
Ašild aš Višskiptarįši
Póstlisti VĶ
Višskiptarįš į FB
LinkedIn sķša Višskiptarįšs
Myndasafn Višskiptarįšs

Slóšin žķn:

Žjónusta » ATA Carnet

Flżtileišir

English flag

Mynd


Stjórnborš

Minna letur Stęrra letur Hamur fyrir sjónskerta