Amerísk-íslenska verslunarráðið (AMÍS), sem starfar innan Alþjóðasviðs VÍ, hélt aðalfund sinn í Þingholti, Hótel Holti, í dag.  Ragnar Guðmundsson, framkvæmdastjóri Norðuráls, var kosinn formaður ráðsins.

Jón Björnsson, forstjóri Haga, skrifar pistil á heimasíðu Haga í dag um dóm Héraðsdóms í máli Fríhafnarinnar í Leifsstöð frá því í síðustu viku. Pistillinn birtist óstyttur hér fyrir neðan.

Þór Sigfússon framkvæmdastjóri VÍ hefur verið skipaður í Ráðgjafahóp um viðskiptaþróun á Eystrasaltssvæðinu sem starfar innan Council of Baltic Sea States.

Nú liggur fyrir Alþingi frumvarp um breytingar á lögum nr. 70/1996 um réttindi og skyldur starfsmanna ríkisins, sem fjármálaráðherra leggur fram.  Sveigjanleiki í opinberri starfsemi, sem var markmið laganna frá 1996, virðist einungis hafa verið í aðra áttina; forstöðumenn geta umbunað starfsmönnum en búa við takmarkað svigrúm til breytinga á starfsliði sínu. 

Haustútgáfa Peningamála Seðlabankans var til umræðu á morgunverðarfundi Verslunarráðs í morgun en skýrslan kom út í gær. Fundurinn var með öðru sniði en áður því að þessu sinni var efnt til hringborðsumræðna að lokinni framsögu Seðlabankastjóra. Þátttakendur í umræðunum voru fulltrúi stjórnar VÍ, Hörður Arnarson (Marel hf.) og forstöðumenn greiningadeilda bankanna, þeir Þórður Pálsson (Kaupþingi Búnaðarbanka), Ingólfur Bender (Íslandsbanka) og Björn Rúnar Guðmundsson (Landsbanka). Umræðum stjórnaði Guðrún Hálfdánardóttir fréttastjóri Viðskiptablaðs Morgunblaðsins.

Er markmiðið með útlitsbreytingum ÁTVR að fela uppruna og eðli áfengiseinokunar ríkisins? Leyfist ríkinu nú það sem öðrum hefur verið óheimilt, þ.e. að auglýsa áfengi og að auka aðgengi almennings að áfengi?

Sigríður Á. Andersen lögfræðingur VÍ veltir þessu fyrir sér.

Verzlunarskóla Íslands var í dag afhent glæsileg ný viðbygging við skólann.

30 - 40% af heilbrigðiskerfinu verður í einkarekstri árið 2010, sagði Þór Sigfússon á Málþingi hjúkrunarfræðinga 31. okt. 2003.

Eitt hundrað danskir fjárfestar mættu á kynningu Dansk íslenska verslunarráðsins í Kaupmannahöfn.

Skrifræði, tollamál, staðlar og einkaréttur eru þau atriði sem verslunarráð í Evrópu telja helst ábótavant og hamla útrás til Rússlands samkvæmt könnun sem Eurochambres hefur gert.

Rætt var m.a. um viðskiptaengla á fundi sem Breska sendiráðið stóð fyrir 23. október í samráði við VÍ, BRÍS og Háskólann í Reykjavík.  Fram kom á fundinum að árið 2003 er gert ráð fyrir að 830 milljónum punda verði varið í áhættuverkefni (venture capital) í Bretlandi en þessi upphæð var tæplega 5 sinnum hærri þegar fjármagn flæddi í þessi verkefni fyrir nokkrum árum síðan. 

Nú þegar eru mörg íslensk fyrirtæki búin að hasla sér völl erlendis og þau eiga það flest sammerkt að starfsemin er að langstærstum hluta erlendis.  Næsta skrefið í alþjóðavæðingu er að búa okkur undir það að hingað komi útlendingar til starfa hjá íslenskum þekkingarfyrirtækjum, bæði tímabundið og án tímamarka. 

Í dag var haldinn blaðamannfundur þar sem kynntar voru tillögur að bættum aðbúnaði og umhverfi erlendra sérfræðinga sem starfa á Íslandi. Á vegum Verslunarráðs var myndaður starfshópur í maí sl. og var skýrslu hans dreift á blaðamannafundinum.

Kai Hammerich forstjóri Invest in Sweden bendir á að það er einkum tvennt sem er nauðsynlegt til að laða að erlenda fjárfestingu; alþjóðlegir skólar og traustar samgöngur til og frá landinu.

88% aðildarfyrirtækja verslunarráðs Stokkhólmsborgar eru hlynnt upptöku evrunnar í Svíþjóð.  Þetta kom m.a. fram í ræðu Peters Eghards framkvæmdastjóra verslunarráðs Stokkhólmsborgar á ársfundi framkvæmdastjóra norrænna verslunarráða sem haldinn var í Finnlandi í ágúst. 

"Það eru lítil takmörk fyrir því hvað hægt er að einkavæða", sagði Eamonn Butler framkvæmdastjóri Adam Smith Institute á morgunverðarfundi VÍ.  Butler hvatti til þess að Íslendingar reyndu samkeppnisvæðingu og einkavæðingu í orkugeiranum.  Reynsla Breta hefði sýnt að jafnvel í greinum sem voru taldar búa við náttúruleg einokunarskilyrði í Bretlandi hafi samkeppni átt erindi.

Til að efla nýsköpunarstarfsemi ber að ryðja burt hindrunum við stofnun fyrirtækja.  Hérlendis er skrifræði við stofnun fyrirtækja lítið. Krafa um innborgað hlutafé er lægri hér en víða annars staðar.  Hins vegar er kostnaður vegna skráningar fyrirtækja  töluvert hærri en í mörgum öðrum OECD ríkjum.

“Við erum strax í júlímánuði að ná þeim markmiðum sem við settum okkur um fjölgun félaga allt árið 2003,” segir Þór Sigfússon framkvæmdastjóri VÍ. 

Verslunarráð Íslands býður aðildarfyrirtækjum sínum að sækja á vef ráðsins merki þess, bæði á ensku og íslensku, til þess að setja á eigin heimasíður.   Með merki VÍ á heimasíðum fyrirtækja á ensku má skapa traust sem gagnast getur á margan hátt í erlendum samskiptum.