Líflegar umræður voru á morgunverðarfundi VÍ um vinnustaðasamninga fyrirtækja. Guðmundur Kristjánsson aðaleigandi útgerðarfélagsins Brims og Gylfi Arnbjörnsson framkvæmdastjóri ASÍ fluttu framsöguerindi. Auk þeirra tóku Elfar Aðalsteinsson stjórnarformaður Eskju hf. og Gunnar Páll Pálsson formaður VR þátt í pallborðsumræðum.

Nú þegar verkfall kennara stendur yfir heldur kennsla áfram að mestu í einkareknum skólum. Einkareknu skólarnir eru með sérsamninga við flesta sína kennara.

Í kjölfar skýrslu iðnaðar- og viðskiptaráðherra sendi Verslunarráð, Kauphöll Íslands og Samtök atvinnulífsins ráðherra bréf til þess að vekja athygli á hlutverki Leiðbeininga um stjórnarhætti fyrirtækja.

Á morgunverðarfundi Verslunarráðs spurði Valgerður Sverrisdóttir, iðnaðar- og viðskiptaráðherra því skyldum við ekki setja reglur? Vísaði spurningin til tillagna nefndar viðskiptaráðherra um að fá samkeppnisyfirvöldum i heimild til þess að krefjast þess að fyrirtæki, við tilteknar aðstæður, breyttu skipulagi sínu.

Í ágúst hélt Sorpa bs. útboð vegna gámaþjónustu við endurvinnslustöðvar. Meðal þátttakenda var Vélamiðstöðin ehf. sem þrátt fyrir ehf.-titilinn er opinbert fyrirtæki.

Verslunarráð Íslands lýsir yfir ánægju sinni á opnun alþjóðaskólans í Reykjavík (Reykjavík International School) sem er til húsa í Víkurskóla v/Hamrahlíð.  

Verslunarráð hefur bent á mikilvægi þess að ríkisstofnunum séu ekki falin verkefni sem einkaaðilar hafa alla burði til þess að taka að sér. Ein þeirra stofnana sem hafa komið til umræðu innan Verslunarráðs í þessu sambandi er Siglingastofnun Íslands (SÍ).

Þór Sigfússon, framkvæmdastjóri Verslunarráðs, kallaði eftir auknu frumkvæði íslenskra fyrirtækja á morgunverðarfundi Íslandsbanka í gær.

Í erindi Þórs kemur fram að mikil tækifæri liggja fyrir einkafyrirtæki í þjónustu sem hið opinbera sinnir að mestu í dag.