Nýverið voru gerðar breytingar á lögum um framhaldsskóla þar sem m.a. viðskipta- og hagfræðibraut kom inn sem fjórða brautin í framhaldsskólann. Með þessu er tryggt að ungt fólk hefur skýrt val um viðskiptamenntun á framhaldsskólastigi en það hefur ekki verið til staðar um nokkurt skeið.

 

Samtök kennara í viðskipta- og hagfræðigreinum átti frumkvæðið í því að vekja athygli á þessu máli gagnvart m.a. samtökum í viðskiptalífinu, eins og SA og Viðskiptaráði Íslands. Í framhaldi af því voru haldnir fundir með menntamálaráðherra sem tók strax vel í þessa málaleitan.

 

Þegar saman fara kennarar með frumkvæði, gott samstarf við samtök í viðskiptalífi og menntamálaráðherra, sem lætur verkin tala, geta margvíslegar umbætur orðið á skömmum tíma í menntamálum.