Leiðbeiningar um stjórnarhætti

Viðskiptaráð hefur unnið í samstarfi við Nasdaq OMX Ísland og Samtök atvinnulífsins leiðbeiningar um stjórnarhætti fyrirtækja og leiðbeiningar um stjórnarhætti opinberra fyrirtækja. Þær fyrrnefndu komu fyrst út árið 2004 og endurskoðuð útgáfa var svo gefin út ári síðar. Í byrjun árs 2009 ákváðu samstarfsaðilar verkefnisins að endurskoða leiðbeiningarnar í þriðja sinn og var þriðja útgáfa þeirra gefin út þann 18. júní síðastliðinn.

Báðar leiðbeiningarnar eru að alþjóðlegri fyrirmynd, en sniðnar að íslenskum aðstæðum og regluverki. Viðskiptaráð tekur að sér ráðgjöf gagnvart öllum aðildarfélögum sínum við innleiðingu leiðbeininganna.

Leiðbeiningarnar hafa það markmið að skýra hlutverk og störf stjórnarmanna og stjórnenda fyrirtækja á Íslandi. Með leiðbeiningunum er þessum aðilum auðveldað að rækja skyldur sínar um leið og hagur allra eigenda fyrirtækjanna er efldur. Viðskiptaráð hefur einnig gefið út leiðbeiningar um stjórnarhætti opinberra fyrirtækja í ljósi yfirtöku ríkisins á helstu fjármálafyrirtækjum landsins.

Hér má nálgast leiðbeiningarnar:

• Stjórnarhættir fyrirtækja - 2009 (ensk útgáfa)
• Stjórnarhættir opinberra fyrirtækja - 2008
• Stjórnarhætti fyrirtækja - 2005 (ensk útgáfa) 

Að auki hefur talsverð samvinna átt sér stað að undanförnu við nefndir og ráð meðal Norðurlandanna sem hafa með höndum gerð leiðbeininga um stjórnarhætti. Sú samvinna hefur leitt af sér neðangreinda samantekt sem hefur að geyma helstu einkenni Norrænna stjórnarhátta.

• Helstu einkenni Norrænna stjórnarhátta - apríl 2009

Nánari upplýsingar
Haraldur I. Birgisson, aðstoðarframkvæmdastjóri Viðskiptaráðs, veitir nánari upplýsingar varðandi leiðbeiningar um stjórnarhætti fyrirtækja.

Eintök af leiðbeiningum um stjórnarhætti fyrirtækja í skýrsluformi má panta með tölvupósti og fást þær einnig á skrifstofu Viðskiptaráðs. Leiðbeiningarnar kosta 2.000 kr. og eintök af leiðbeiningum um stjórnarhætti opinberra fyrirtækja kosta 1.500 kr.