Viðskiptaráð Íslands

Upptaka frá útgáfufundi leiðbeininga um stjórnarhætti fyrirtækja

Mon, 26 Oct 2026 15:00:00 GMT

Upptaka frá útgáfufundi sjöundu útgáfu leiðbeininga um stjórnarhætti fyrirtækja er nú aðgengileg. Þar má sjá erindi og pallborðsumræður.

Leigubremsa grefur undan húsnæðisöryggi leigjenda

Fri, 23 Oct 2026 12:10:00 GMT

Viðskiptaráð leggst gegn frumvarpi um frekari takmarkanir á hækkun leigu á samningstíma. Samantekt 112 ritrýndra rannsókna sýnir að slíkar takmarkanir draga úr framboði, gæðum og nýtingu leiguhúsnæðis, auk þess sem þær geta ýtt undir verðbólgu með hærri upphafsleigu og styttri samningum. Besta leiðin til að styrkja stöðu leigjenda er að tryggja nægt framboð húsnæðis.

Fullt hús á útgáfufundi nýrra leiðbeininga um stjórnarhætti fyrirtækja

Thu, 22 Oct 2026 16:00:00 GMT

Yfir 180 manns sóttu útgáfufund sjöundu útgáfu leiðbeininga um stjórnarhætti fyrirtækja í Háteigi á Grand Hótel í gær, 21. október. Nýja útgáfan var kynnt í prenti og nýr vefur, leidbeiningar.is, var opnaður.

Tryggja þarf óháða kæruleið í stuðningskerfi nýsköpunar

Thu, 22 Oct 2026 06:30:00 GMT

Viðskiptaráð fagnar breytingum sem auka fyrirsjáanleika í stuðningskerfi rannsókna og þróunar. Ráðið leggur þó til óháða kæruleið vegna ákvarðana Rannís og varar við því að skýrari kostnaðarreglur þrengi stuðninginn, en samþykktarhlutfall umsókna hefur lækkað úr 92% í 61% á fjórum árum.

Ný útgáfa leiðbeininga um stjórnarhætti fyrirtækja

Wed, 21 Oct 2026 17:00:00 GMT

Sjöunda útgáfa leiðbeininga um stjórnarhætti fyrirtækja er komin út. Samhliða útgáfunni hefur nýr og endurbættur vefur, leidbeiningar.is, verið tekinn í notkun. Áhersla var lögð á að einfalda leiðbeiningarnar og skýra framsetningu þeirra frekar en að bæta við tilmælum. Nýja útgáfan tekur gildi 1. janúar 2027.

Einkunnir þurfi að vera samanburðarhæfar milli skóla

Wed, 21 Oct 2026 15:30:00 GMT

Viðskiptaráð fagnar því að lokaeinkunnir í 10. bekk verði settar fram með tölum í stað bókstafa. Ráðið bendir þó á að breytingin hafi takmarkað gildi nema tryggt sé að sama einkunn endurspegli sambærilega hæfni óháð skóla og leggur til að matsviðmið og vægi hæfniviðmiða verði betur skilgreind og samræmd.

Fækkun verkefna Hagstofunnar skili sér í lægri útgjöldum

Wed, 21 Oct 2026 12:35:00 GMT

Viðskiptaráð styður frumvarp um að skylda Hagstofunnar til að starfrækja sjálfstæða rannsóknareiningu verði felld brott. Ráðið fagnar því að í greinargerð sé tekið undir að fækkun lögbundinna verkefna eigi að skapa tækifæri til hagræðingar en hvetur stjórnvöld til að meta þá hagræðingu áður en svigrúminu er ráðstafað til annarra verkefna.

Ragnar ræddi stöðu RÚV og fjölmiðlamarkaðarins í Spursmálum

Tue, 20 Oct 2026 14:45:00 GMT

Ragnar Sigurður Kristjánsson, hagfræðingur Viðskiptaráðs, ræddi stöðu einkarekinna fjölmiðla og frumvarpsdrög um RÚV í Spursmálum. Hann sagði rót vandans liggja í skekktu samkeppnisumhverfi og að taka ætti RÚV af auglýsingamarkaði.

Einkamiðlar verða háðir velgengni RÚV

Tue, 13 Oct 2026 10:45:00 GMT

Viðskiptaráð fagnar því að lagakvöð um lágmarksfjölda rása RÚV verði afnumin en gerir alvarlegar athugasemdir við að hluti auglýsingatekna RÚV renni til einkarekinna miðla. Útfærslan gerir einkamiðla óbeint háða velgengni helsta samkeppnisaðila síns og skapar óeðlilega hvata. Ráðið telur löngu tímabært að taka RÚV af auglýsingamarkaði.

Hálf sagan um fjármagnstekjuskatt

Mon, 12 Oct 2026 13:40:00 GMT

„Vísað var til þess að fjármagnstekjuskattur væri aðeins 22%, mun lægri en skattur á launatekjur. Sú skattprósenta segir þó aðeins hálfa söguna. Til að meta skattbyrði á fjármagnstekjur þarf einnig að taka tillit til verðbólgu og þess skatts sem fyrirtæki greiða áður en hagnaður er greiddur út sem arður.“

Sykurskattur óskilvirk leið að lýðheilsumarkmiðum

Sat, 10 Oct 2026 12:00:00 GMT

Viðskiptaráð ítrekar fyrri athugasemdir sínar við aðgerðaáætlun vegna offitu og varar við sértækri skattlagningu á tilteknar matvörur. Slík skattlagning er óskilvirkt stjórntæki sem felur í sér neyslustýringu og eykur flækjustig og kostnað, án þess að sýnt hafi verið fram á ávinning fyrir lýðheilsu.

Gjaldtaka á Gullna hringnum verði endurskoðuð

Wed, 07 Oct 2026 16:45:00 GMT

Viðskiptaráð tekur undir mikilvægi þess að tryggja uppbyggingu og viðhald fjölsóttra ferðamannastaða en telur náttúru- og innviðagjald á Gullfoss, Geysi og Þingvelli hvorki einfalda né hagkvæma leið. Gjaldið bætist við aðra skattheimtu á ferðaþjónustu, kallar á nýtt innheimtu- og eftirlitskerfi og á sér takmarkaða hliðstæðu á Norðurlöndum.

Samþjöppun eftirlits má ekki bitna á öðrum verkefnum Fjarskiptastofu

Wed, 07 Oct 2026 12:00:00 GMT

Viðskiptaráð tekur undir markmið frumvarpsdraga um að færa eftirlit með öryggi net- og upplýsingakerfa mikilvægra innviða til Fjarskiptastofu. Ráðið telur þó ekki nægilega sýnt fram á að stofnunin geti tekið við verulega auknum verkefnum, án aukinna útgjalda, án þess að það komi niður á öðrum lögbundnum verkefnum hennar.

Fjárlagafrumvarp 2027: 46 tillögur að aukinni hagræðingu

Tue, 06 Oct 2026 06:00:00 GMT

Viðskiptaráð fagnar því að gert sé ráð fyrir 5 ma. kr. afgangi af rekstri ríkissjóðs árið 2027 en bendir á að rúmlega helmingur sértækra útgjaldaráðstafana byggir á nýtingu uppsafnaðra fjárheimilda og að frumvarpið boðar skattahækkanir upp á rúma 34 ma. kr. á breiðum grunni. Ráðið leggur fram 46 tillögur að hagræðingu í ríkisrekstri sem gætu skilað 110 ma. kr. til lengri tíma litið.

Ný útgáfa leiðbeininga um stjórnarhætti fyrirtækja

Mon, 05 Oct 2026 15:31:00 GMT

Ný útgáfa stjórnarháttaleiðbeininga verður kynnt á viðburði í Háteigi, Hótel Reykjavík Grand 21. október 2026.

Kallað eftir svörum um Drekasvæðið: bréf til umhverfisráðherra

Fri, 02 Oct 2026 11:30:00 GMT

Viðskiptaráð hefur sent umhverfis-, orku- og loftslagsráðherra bréf og óskað eftir upplýsingum um stöðu rýni Umhverfis- og orkustofnunar á gögnum frá fyrri olíuleit á Drekasvæðinu. Ráðið kallar jafnframt eftir svörum um hvernig stjórnvöld hyggist fylgja rýninni eftir og hvort frekari rannsóknir og olíuleit á svæðinu komi til skoðunar.

Ársreikningafrumvarp gæti aukið endurskoðunarskyldu

Fri, 02 Oct 2026 10:39:00 GMT

Viðskiptaráð styður fyrirhugaðar breytingar á ársreikningalögum sem miða að því að draga úr reglubyrði smærri fyrirtækja. Ráðið telur þó að ganga eigi lengra og nýta til fulls það svigrúm sem EES-reglur veita til einföldunar, bæði við ákvörðun stærðarmarka fyrirtækja og endurskoðunarskyldu.

Endurskoðun markaðsgreininga dregist árum saman: bréf til innviðaráðherra

Mon, 28 Sep 2026 14:40:00 GMT

Viðskiptaráð hefur sent innviðaráðherra bréf vegna verulegra tafa á endurskoðun markaðsgreininga Fjarskiptastofu. Í bréfinu er bent á að kvaðir á fjarskiptafyrirtæki geti haldist í gildi árum saman þótt forsendur þeirra hafi breyst, með neikvæðum áhrifum á samkeppni, fjárfestingu og réttaröryggi.

Borgað tvisvar fyrir bílinn

Mon, 28 Sep 2026 09:21:00 GMT

Skattar á nýjan bensínjeppa eru nú hærri en innflutningsverð bílsins. Há vörugjöld á innflutta bíla leiða til eldri og óöruggari bílaflota og leggjast ójafnt á landsmenn eftir búsetu. Viðskiptaráð leggur til að vörugjöld verði afnumin og nýir bílar beri almennan virðisaukaskatt eins og aðrar vörur.

Viðskiptaspjall við Magnús Sverri

Fri, 25 Sep 2026 13:45:00 GMT

Magnús Sverrir Þorsteinsson, forstjóri og einn eigenda Blue Car Rental, tekur þátt í Viðskiptaspjalli Kjarvals, FVH og Viðskiptaráðs sem fram fer 6. október næstkomandi.