Framkvæmdaglaðir Íslendingar - 850 verkefni leyst í vikunni

Nú fer fram Alþjóðleg athafnavika á Íslandi sem ætlað er að hvetja fólk um allan heim til þátttöku í nýsköpunarverkefnum. Innovit er framkvæmdaraðili athafnavikunnar, en Finnur Oddsson framkvæmdastjóri Viðskiptaráðs er einn af talsmönnum hennar. Eins og segir á vef athafnaviku þá hefur Finnur „óbilandi trúa á því að framtíð Íslands sé best borgið í höndum athafnasamra einstaklinga og framtakssamra fyrirtækja sem vilja láta hlutina gerast.“

Samhliða Alþjóðlegri athafnaviku er í gangi verkefni sem nefnist Athafnateygja Innovit og er því ætlað að mæla hversu miklu íslenska þjóðin getur komið í framkvæmd á einni viku. Nú hafa tæplega 850 framkvæmdir verið skráðar á þeim rúmlega 200 teygjum sem eru í umferð. Það er Guðbjörg Edda Eggertsdóttir forstjóri Actavis sem á framkvæmdamestu teygjuna með alls 138 framkvæmdum.

Allir bæjastjórar landsins, ráðherrar, formenn stjórnmálaflokka, athafnafólk og fjölmiðlamenn fengu Athafnateygjuna afhenta í upphafi Alþjóðlegrar athafnaviku á Íslandi, sem hófst á mánudag. Það hefur verið í þeirra höndum að koma teygjunni áfram, en á vefsíðu verkefnisins er hægt að fylgjast með hvaða teygja skilar mestu afköstunum, hvaða hlutum fólk kemur í verk og hverju íslenska þjóðin kemur í framkvæmd með Athafnateygjunni.

Tengt efni

Fréttir

Styttist í alþjóðlega athafnaviku

Við þær aðstæður sem nú ríkja í efnahagsmálum þjóðarinnar er brýnt að líta fram ...
10. nóv 2009
Fréttir

Viðskiptaþing 2010: Könnun á viðhorfum forsvarsmanna fyrirtækja

Til umfjöllunar á Viðskiptaþingi 2010 verða meðal annars niðurstöður könnunar ...
14. feb 2010
Fréttir

Ný:sköpun Ný:tengsl – árangursríkur kvöldverðarfundur

Í gærkvöldi var haldinn fyrsti kvöldverðarfundur Viðskiptaráðs og Innovit undir ...
29. maí 2009