Tómas Már Sigurðsson, formaður Viðskiptaráðs, ræddi í setningarræðu sinni á árlegu Viðskiptaþingi ráðsins, sem nú stendur yfir á Hilton Reykjavík Nordica, um mikilvægi víðtæks samstarfs fyrir framvindu endurreisnarinnar.
Með samvinnu fyrirtækja á ólíkum sviðum og samnýting þekkingar aukast möguleikar okkar á að nýta auðlindir og það samkeppnisforskot sem þær gefa okkur. Skýrsla Viðskiptaráðs leggur þunga áherslu á mikilvægi slíkrar samvinnu. Og þannig er það. Góð samvinna á sviði rannsókna og mennta í atvinnulífinu leysir úr læðingi mikil verðmæti, samvinna og samkeppni þrífast ágætlega saman. Góð samvinna atvinnulífs og stjórnvalda drepur úr dróma höft og hindranir sem koma í veg fyrir bætt lífskjör þjóðarinnar.“
Vitnaði Tómas undir lok ræðu sinnar til hvatningarorða Jónasar Hallgrímssonar, sem birtust í tímaritinu Fjölni árið 1835. Sú hvatning taldi Tómas ætti að vekja alla - atvinnulíf, stjórnvöld, fjölmiðla og fjölskyldur - til umhugsunar um mikilvægi þess að standa saman og finna í sameiningu lausn á þeim vanda sem við er að etja. Við skulum standa saman og takast á við tækifærin - ef við berum gæfu til að grípa þau er enginn vafi á að Íslandi mun vegna vel.“