Viðskiptaþing 2011: Fimm áherslur til framfara

Í ræðu sinni á árlegu Viðskiptaþingi Viðskiptaráðs, sem nú stendur yfir á Hilton Reykjavík Nordica, sagði Hrund Rudólfsdóttir, framkvæmdastjóri starfsþróunarsviðs Marels, stöðu hagkerfisins um margt hagfellda miðað við áföll undanfarinna missera. Landið byggi yfir gnægð auðlinda, óspilltri náttúru, orku í fallvötnum og jarðhita og hafsvæði sem er gífurleg auðsuppspretta.

Heilbrigt umhverfi til atvinnurekstrar væri hins vegar forsenda nýtingar þessara auðlinda. Sagði Hrund tækifæri morgundagsins felast í að þjóðinni tækist að efla umhverfi sem hvetur til framtakssemi, verðmætasköpunar og atvinnureksturs. Í því tilliti nefndi hún þær fimm áherslur til framfara sem fjallað er um í skýrslu Viðskiptaþingsins, þ.e. að stefnt verði að:

  1. Því að Ísland verði fyrirmynd annarra landa um góða stjórnarhætti viðskiptalífs og hins opinbera.
  2. Auknum fjölda starfa í einkageiranum.
  3. Auknu framboði vinnuafls til einkageirans.
  4. Alþjóðlega samkeppnishæfu rekstrarumhverfi fyrirtækja á Íslandi.
  5. Stöðugt aukinni skilvirkni í nýtingu opinberra fjármuna.

Fjallað er nánar um þessar áherslur og þær útfærðar frekar í skýrslu Viðskiptaþingsins, Tökumst á við tækifærin – atvinnulíf til athafna.

Ræðu Hrundar má nálgast hér og glærur má nálgast hér.

Tengt efni

Fréttir

Viðskiptaþing 2011: Fimm áherslur til framfara

Í ræðu sinni á árlegu Viðskiptaþingi Viðskiptaráðs, sem nú stendur yfir á Hilton ...
16. feb 2011
Fréttir

Viðskiptaþing 2011: Nýtum reynsluna

Á Viðskiptaþingi Viðskiptaráðs, sem fram fer nú á Hilton Reykjavík Nordica, ...
16. feb 2011
Fréttir

Viðskiptaþing 2012: Fullt hús gesta

Alls sækja um 450 manns árlegt Viðskiptaþing Viðskiptaráðs sem stendur nú yfir á ...
15. feb 2012