Fjárfestingaþing nýsköpunarfyrirtækja

Næstkomandi föstudag, 25. mars 2011, fer fram þrettánda Seed Forum Iceland fjárfestaþingið en það var fyrst haldið árið 2005. Flest framsæknustu sprotafyrirtæki landsins hafa tekið þátt í þinginu og hefur þátttaka skilað góðum árangri. Mörgum þeirra hefur tekist að afla sér hlutafjár í gegnum Seed Forum Iceland og á sambærilegum ráðstefnum erlendis. 

Mikil gróska er í sprotastarfi hérlendis og hefur það skilað auknum áhuga á nýsköpunarfyrirtækjum af hálfu fjárfesta. Rannsóknir hafa ennfremur sýnt að ört vaxandi sprotafyrirtæki skapa flest ný störf í hagkerfum og það á sérstaklega við í efnahagslegum niðursveiflum. Einn mikilvægur þáttur í að byggja upp öflugt umhverfi til nýsköpunar er aukið aðgengi að fjármagni á frumstigi rekstrar, en þingið hefur verið leiðandi í umræðunni um hvernig bæta má úr þessu. Það er einmitt eitt af meginmarkmiðum þingsins að stuðla að aukinni kynningu og aðgengi sprotafyrirtækja að fjármagni með þátttöku þeirra í alþjóðlegum fjárfestingaþingum.

Kynningar á spennandi fjárfestingakostum
Seed Forum Iceland, ásamt styrktaraðilum, býður nú félögum Viðskiptaráðs að taka þátt í fjárfestaþingi  föstudaginn 25. mars 2011 í húsakynnum Arion banka í Borgartúni 19. Á þinginu munu fimm íslensk og tvö erlend sprotafyrirtæki kynna metnaðarfull verkefni og spennandi fjárfestingakosti. Þingið hefur jafnan verið stökkpallur fyrir vaxtar- og stórfyrirtæki morgundagsins.

Eftir þingið verður boðið upp á léttar veitingar í boði norska sendiráðsins og seinna um daginn verður móttaka í breska sendiráðinu. Dagskrá má nálgast hér - Vinsamlega staðfestið þátttöku með skráningu hér.

Tengt efni

Fréttir

Fjárfestaþing: Gróska í sprotastarfi hérlendis

Á morgun, föstudag, fer fram tólfta Seed Forum fjárfestaþingið en það var fyrst ...
7. okt 2010
Viðburðir

Seed Forum

Seed Forum þingið verður haldið á Hótel Nordica, föstudaginn 28. október kl. ...
28. okt 2005
Viðburðir

Seed Forum Iceland

Seed Forum Iceland ráðstefnan verður haldin í höfuðstöðvum Arion banka í ...
13. apr 2012