Fundur VÍ um einkarekna grunnskóla

Á fundi Verslunarráðs um fjárhagslegan grundvöll einkarekinna grunnskóla voru niðurstöður Auðar Finnbogadóttur á ímynduðum hverfisskóla kynntar. Í niðurstöðum Auðar kemur í ljós að meðalkostnaður hjá skólum með færri en 200 nemendur á árunum 2003-2004 virðist vera á bilinu kr. 506.000,- til kr. 641.000,- en á bilinu kr. 383.000,- til 461.000,- hjá skólum með fleiri en 800 nemendur. Greiðslur til einkarekinna skóla í dag eru mun lægri en greiðslur til opinberra skóla.

Í erindi Þorbjargar Helgu Vigfúsdóttur, ráðgjafa menntamálaráðherra kom fram að grunnskólar á Íslandi eru um og undir meðaltali í samanburði við aðrar þjóðir. Nágrannaþjóðir okkar hafa m.a. tekið upp fleiri rekstrarform en ríkisrekið rekstrarform til að auka sveigjanleika í þjóðfélaginu.  Innan OECD landanna eru að meðaltali 10% barna í einkareknum skólum. Á Íslandi eru 0,8% barna í einkareknum skólum og þeim fækkar hratt. Þorbjörg talaði um að einkareknir skólar hefðu góð áhrif á skólakerfið í heild. Þeir skynjuðu hlutverk sitt betur vegna krafna foreldra um gæði. Auk þess væri auðveldara að ná hagkvæmu rekstararfyrirkomulagi og starfsmannahaldi hjá einkareknum skólum. Hugmyndir um form og kennsluhætti eru fljótari fram að ganga og velgengni einkarekinna skóla ýtir undir kröfur foreldra og nemenda í öðrum skólum.

Hér má nálgast ræðu Þorbjargar Helgu Vigfúsdóttur.

Tengt efni

Umsagnir

Röng leið að réttu markmiði

Viðskiptaráð bendir á að samkvæmt frumvarpinu virðist sem ætlunin sé að nýta ...
8. okt 2020
Umsagnir

Forgangsröðun í þágu verðmætasköpunar

Á þessum tímapunkti þurfa stjórnvöld að forgangsraða í ríkisfjármálum til ...
20. okt 2020
Umsagnir

Betri leiðir færar á fjölmiðlamarkaði

Viðskiptaráð telur að líta verði til heildarsamhengis á fjölmiðlamarkaði þegar ...
14. jan 2020