Alþjóðaskóli á Íslandi tekur til starfa

Verslunarráð Íslands lýsir yfir ánægju sinni á opnun alþjóðaskólans í Reykjavík (Reykjavík International School) sem er til húsa í Víkurskóla v/Hamrahlíð.  Skólinn hefur þegar tekið til starfa og eru nemendur fyrst og fremst börn erlendra sérfræðinga sem starfa í íslenskum fyrirtækjum og eru búsettir hér á landi og erlendra starfsmanna í utanríkisþjónustu.  Nemendur eru á aldrinum 5-12 ára.

Verslunarráð Íslands ýtti af stað á síðasliðnu hausti umræðu um þörf þess að setja á stofn alþjóðaskóla.  Það kom meðal annars fram í skýrslu ráðsins, þar sem kannaðar var aðbúnaður erlenda sérfræðinga á Íslandi, að til að alþjóðleg starfsemi fyrirtækja geti þrifist hér á landi, þurfi þjóðfélagið einnig að nýta sér krafta og frumkvæði erlendra sérfræðinga, sem vilja starfa hjá íslenskum þekkingarfyrirtækjum, bæði tímabundið og án tímamarka. Því sé mikilvægt að bæta aðstöðuna og skapa aðlaðandi umhverfi fyrir erlenda sérfræðinga og fjölskyldur þeirra.   Að skýrslunni komu meðal annars erlendir sérfræðingar úr aðildarfyrirtækjum ráðsins og var það mat þeirra, að nauðsynlegt væri fyrir íslenskt samfélag að geta boðið upp á alþjóðlegt nám á grunnskólastigi.

Við óskum aðstandendum skólans til hamingju. Skólastjóri Alþjóðaskólans í Reykjavík er Berta Faber.  Námsefnið byggir á námsefni grunnskóla í Wisconsin, Bandaríkjunum.

Meira um skólann hér.

Tengt efni

Fréttir

Glæsileg útskrift frá Háskólanum í Reykjavík

Laugardaginn 17. janúar fór fram hátíðleg brautskráning 193 nemenda frá ...
18. jan 2009
Fréttir

Nýr skóli – betra atvinnulíf

Meðfylgjandi grein birtist í Viðskiptablaðinu miðvikudaginn 27. ágúst:
29. ágú 2008
Fréttir

Reykjavik International School (Alþjóðaskólinn) í sókn

Alþjóðaskólinn er nú á öðru starfsári og hefur vakið mikinn áhuga. Skólinn er ...
26. apr 2006