Stofnun Adams Smiths skrifar um Ísland

Nýlega greindi Viðskiptaráð frá grein í breskum fjölmiðlum eftir Dr. Eamonn Butler, framkvæmdastjóra Adam Smith-stofnunarinnar í Lundúnum, um íslenskt hagkerfi og athafnalíf. Í greininni gerði hann þau hamskipti sem átt hafa sér stað í íslensku atvinnulífi á undanförnum áratug að umtalsefni og fjallaði m.a. um útrás íslenskra fyrirtækja á breiðum grundvelli. 

Dr. Madsen Pirie, forseti sömu stofnunnar, var gestafyrirlesari á ráðstefnu Viðskiptaráðs, Deloitte og KPMG um flata skatta sem haldin var á Grand hótel 20. október síðastliðinn. Að fyrirlestrinum var gerður góður rómur en í honum fór hann yfir helstu röksemdir andstæðinga flatra skatta og skýrði fundarmönnum frá reynslu þeirra landa sem tekið hafa upp flata skatta. 

Á vef Adam Smith-stofnunarinnar má finna nýja grein ef Dr. Pirie um Ísland en að þessu sinni gerir hann raforkuframleiðslu landsins að útgangspunkti sínum og þá miklu vaxtarmöguleika sem felast í hugsanlegum útflutningi á hreinni orku, t.a.m. í gegnum sæstreng til Skotlands í fyllingu tímans.

Tengt efni

Breskir fjárfestar og verslanir kynnast íslenskum heilsuvörum

Fulltrúar tíu íslenskra fyrirtækja sem framleiða heilsu- og snyrtivörur eru nú í ...
6. okt 2022

Er stórtækur atvinnurekstur hins opinbera náttúrulögmál?

Að viðskiptabönkunum undanskildum hefur stöðugildum hins opinbera í ...
26. nóv 2021

Launakostnaður á Íslandi og skaðsemi atvinnuleysis

Eitt mikilvægasta verkefnið næstu mánuði er að sporna gegn atvinnuleysi með ...
29. sep 2020