Gjaldeyrismál

Fátt hefur dregið til tíðinda hvað varðar stöðuna á gjaldeyrismarkaði síðan í gær. Temprun gjaldeyrisútflæðis er áfram í gildi og bankarnir þrír, Glitnir, Landsbanki og Kaupþing, geta því enn ekki afgreitt erlendar greiðslur nema í sérstökum undantekningartilfellum skv. tilmælum Seðlabankans. Sparisjóðabankinn getur aftur á móti afgreitt erlendar greiðslur í flestum myntum, en þó eru sem fyrr hnökrar á greiðslum til og frá Bretlandi.

Í raun er ólíklegt að erlend greiðslumiðlun komist í lag fyrr en búið er að efla gjaldeyrisforða Seðlabankans, t.a.m. með samkomulagi við Alþjóðagjaldeyrissjóðinn. Enn sem komið er hafa engar niðurstöður úr samningaviðræðum stjórnvalda við Alþjóðagjaldeyrissjóðinn verið kynntar og því allt eins líklegt að staðan á gjaldeyrismarkaði verði áfram óbreytt um nokkurt skeið.

Núverandi ástand er með öllu óviðunandi og ítrekar Viðskiptaráð að stjórnvöld verði að ná samkomulagi við IMF sem allra fyrst. Algert forgangsmál er að utanríkisviðskipti komist aftur í eðlilegt horf eigi skaðinn ekki að verða meiri en þegar hefur orðið.

Tengt efni

Greinar

Kófið kæfir sprotana nema í taumana sé tekið

„Fyrirliggjandi aðgerðir stjórnvalda munu að óbreyttu ekki nýtast ...
20. apr 2020
Fréttir

Staðan á gjaldeyrismarkaði

Fátt hefur dregið til tíðinda hvað varðar stöðuna á gjaldeyrismarkaði frá því ...
20. okt 2008
Fréttir

Erlendar greiðslur

Aðgengi að gjaldeyri er áfram takmarkað í samræmi við tímabundna temprun ...
29. okt 2008