Gjaldeyrismál

Nokkrir hnökrar eru enn á viðskiptum með gjaldeyri. Aðgengi að gjaldeyri er enn takmarkað í samræmi við tímabundna temprun Seðlabanka Íslands á gjaldeyrisútflæði. Viðskiptabankarnir þrír hafa í einhverjum mæli getað sinnt greiðslumiðlun á milli landa um hjáleið í gegnum Seðlabankann en miðlunin er óáreiðanleg og algengt að greiðslur stöðvist í ferlinu. Sparisjóðabankinn hefur getað sinnt greiðslumiðlun án aðstoðar Seðlabankans.

Í dag bárust fréttir af því að viðskipti hefðu verið með íslenskar krónur á alþjóðlegum gjaldeyrismarkaði í kjölfar vaxtahækkunar Seðlabankans. Í þeim viðskiptum er gengið sagt hafa verið 240 krónur á evru. Þó þetta gengið sé langt undir skráðu viðmiðunargengi Seðlabankans, sem er 152 krónur á evru, eru þetta engu að síður jákvæð tíðindi. Þetta bendir til þess að vaxtahækkun Seðlabankans sé jafnvel þegar byrjuð að skila tilætluðum árangri, sem er m.a. að auka tiltrú alþjóðlegra aðila á íslensku krónunni.

Að undanförnu hefur borið á því að erlend greiðslutryggingarfélög hafi ekki viljað tryggja greiðslur íslenskra innflytjenda til erlendra birgja. Stjórnvöld vinna nú að því að útskýra stöðu gjaldeyrisviðskipta á Íslandi fyrir tryggingarfélögunum og standa vonir til að það liðki fyrir þjónustu þeirra gagnvart íslenskum aðilum.

Tengt efni

Umsagnir

Almennar aðgerðir varði leiðina áfram

Með ströngum skilyrðum hlutabótarleiðar er beinlínis gengið gegn þeirri áherslu ...
27. maí 2020
Greinar

Meira fyrir minna  - öllum til hagsbóta

Þrátt fyrir að við stöndum frammi fyrir miklum áhrifum af COVID-19 á allt ...
22. okt 2020
Fréttir

Pásutakkinn sem beðið var eftir

Viðskiptaráð Íslands fagnar nýjasta útspili ríkisstjórnarinnar sem kynnt var í ...
28. apr 2020