Framkvæmdastjóri Viðskiptaráðs í Kastljósi

Finnur Oddsson, framkvæmdastjóri Viðskiptaráðs Íslands, kom fram í Kastljósi Sjónvarpsins í gær, mánudaginn 1. desember. Til umræðu voru ný gjaldeyrislög sem samþykkt voru fyrir helgi. Finnur gagnrýndi lögin og lýsti yfir efasemdum um nytsemi þeirra. Benti hann m.a. á að lögin kæmu í veg fyrir að eðlileg uppbygging íslensks viðskiptalífs gæti átt sér stað. Lögin hefti ekki einungis útflæði fjármagns, heldur einnig innflæði, og skaði trúverðugleika Íslands til framtíðar.

Að auki sagði Finnur lögin hafa margvísleg skaðleg áhrif á atvinnulífið og taldi víst að þau drægju verulega úr áhuga erlendra fjárfesta á Íslandi til langframa. Líkti hann ástandinu við mislukkaða tónleika þar sem tónleikagestum væri meinað að yfirgefa svæðið og benti á að ólíklegt væri að slík hljómsveit nyti vinsælda í framtíðinni. Að lokum ítrekaði hann mikilvægi þess að grípa til aðgerða til að bæta trúverðugleika íslenska hagkerfisins og sagði það ekki þola neina bið.

Viðtalið í heild má sjá hér.

http://dagskra.ruv.is/streaming/sjonvarpid/?file=4431266 

Tengt efni

Ný útgáfa um íslenskt efnahagslíf

Viðskiptaráð Íslands hefur birt nýja ársfjórðungslega útgáfu af The Icelandic ...
21. ágú 2023

Keppni án verðlauna

Við fáum engin verðlaun fyrir að vera kaþólskari en páfinn
12. júl 2023

Hagsmunamál að fæla ekki burt erlenda fjárfestingu

Umsögn Viðskiptaráðs um áform um lagasetningu um rýni á erlendum fjárfestingum ...
10. júl 2022