Eigendastefna ríkisins

Í gær var tilkynnt að ríkið hefði sett sér eigendastefnu gagnvart fjármálafyrirtækjum í eigu þess, en henni er ætlað skv. tilkynningunni að skýra hlutverk og ábyrgð ríkisins sem eiganda þeirra og markmið þess með eignarhaldinu. Fjöldi ríkja hafa á undanförnum árum gefið út eigendastefnur sem þessa með svipuð markmið að leiðarljósi.

Viðskiptaráð fagnar tilkomu eigendastefnu ríkisins en ráðið, ásamt Samtökum atvinnulífsins og Nasdaq OMX Ísland, benti á mikilvægi slíkrar stefnu í tengslum við útgáfu leiðbeininga um stjórnarhætti opinberra fyrirtækja á síðasta ári. Þá fagnar ráðið því sérstaklega að mælst sé til þess í eigendastefnunni að stjórnir og bankaráð fjármálafyrirtækja sem ríkið á hlut í skuli fylgja nýjum leiðbeiningum um stjórnarhætti fyrirtækja. Að mati Viðskiptaráðs er skýr stefna af þessu tagi mikilvægur þáttur þess að auka gagnsæi og skapa ríkinu mikilvægan trúverðugleika sem eiganda stærstu fjármálafyrirtækja landsins.

Miklu skiptir að þessari vinnu verði haldið áfram og að almenn eigendastefna verði sett gagnvart öllum opinberum fyrirtækjum.

Tengt efni

Nauðsynlegt er að flugrekstri séu búin samkeppnishæf rekstrarskilyrði

Tryggja þarf að flugrekendur búi ekki við óþarflega íþyngjandi regluverk.
16. apr 2021

Skerðir ákvörðunarrétt sjúklinga

Breytingarnar girða fyrir rafrænar lausnir á sviði lyfjasölu sem hindrar ...
21. jún 2021