Alvarlegar athugasemdir á fundi með dómsmálaráðherra

Í sameiginlegri umsögn Viðskiptaráðs Íslands, Samtaka atvinnulífsins, Samtaka iðnaðarins, Samtaka ferðaþjónustunnar, Samtaka fjármálafyrirtækja, Samtaka verslunar og þjónustu, Samorku og Samtaka fyrirtækja í sjávarútvegi voru gerðar alvarlegar athugasemdir við drög að frumvarpi til nýrra persónuverndarlaga. Fulltrúar samtakanna fylgdu umsögninni eftir með fundi með Sigríði Á. Andersen dómsmálaráðherra og embættismönnum.

Á þeim fundi kom fram vilji til að koma til móts við einhverjar athugasemdir samtakanna, en hvergi nærri allar. Þá er mjög líklegt að innleiðingu á löggjöfinni verði ekki lokið fyrir 25. maí, þegar hún tekur gildi í Evrópusambandinu. Samtökin hafa varað við því að hætta skapist á að Ísland verði flokkað sem þriðja ríki í skilningi löggjafarinnar. Samtökin lögðu mikla áherslu á það á fundinum að ráðuneytið setti upplýsingar um stöðu innleiðingarinnar á íslensku og ensku á vef sinn fyrir íslensk fyrirtæki og viðsemjendur þeirra. Náist ekki að lögfesta frumvarpið fyrir 25. maí væri mikilvægt að stjórnvöld gættu hagmuna íslenskra fyrirtækja á erlendri grundu eins og frekar er unnt.

Tengt efni

Umsagnir

Almennar aðgerðir varði leiðina áfram

Með ströngum skilyrðum hlutabótarleiðar er beinlínis gengið gegn þeirri áherslu ...
27. maí 2020
Fréttir

Sigríður Andersen lætur af störfum hjá VÍ

Sigríður Ásthildur Andersen, lögfræðingur, hefur látið af störfum hjá ...
18. maí 2006
Greinar

Persónuvernd og almannahagsmunir

Nú fara að verða tvö ár síðan reglugerð Evrópusambandsins var samþykkt. Þá þegar ...
12. apr 2018