Enn svigrúm til að bæta skattkerfið

Ísland hækkar um fjögur sæti á milli ára í nýrri úttekt bandarísku hugveitunnar Tax Foundation yfir samkeppnishæfni skattkerfa OECD-ríkja. Ísland situr nú í 20. sæti af 34 ríkjum. Í umfjöllun Viðskiptablaðsins um úttektina var rætt við Björn Brynjúlf Björnsson, hagfræðing Viðskiptaráðs. Hann telur að þrátt fyrir bætingu á milli ára megi enn margt betur fara við skattheimtu hérlendis.

Umfangsmiklar undanþágur frá VSK
Björn nefndi tvö dæmi í því samhengi. Annars vegar séu ennþá til staðar umfangsmiklar undanþágur frá virðisaukaskatti. Í úttektinni kemur fram að minnihluti neysluútgjalda hérlendis fellur undir almennt þrep virðisaukaskatts. Gjaldhlutfall skattsins þurfi því að vera umtalsvert hærra en ef slíkra undanþága nyti ekki við – en hærri gjaldhlutföll valda stigvaxandi velferðartapi.

Óhagkvæmur fjármagnstekjuskattur
Jafnframt benti Björn á að fjármagnstekjuskattur hér á landi sé óhagkvæmur. Í tólf ríkjum í úttektinni er skatturinn ekki lagður á verðbætur og reiknast því einungis af raunávöxtun. Þrátt fyrir háa verðbólgu í alþjóðlegu samhengi er hins vegar ekkert slíkt ákvæði hérlendis. Það dragi úr hvata til sparnaðar og ýti undir áhættusækni.

Tengt efni:

Tengt efni

Hraðari viðspyrna með erlendri fjárfestingu

Verulega hefur dregið úr erlendri fjárfestingu á síðustu árum og hefur ...
2. des 2020

Hálendisþjóðgarður þarfnast betri undirbúnings

Viðskiptaráð getur ekki stutt Hálendisþjóðagarð í óbreyttri mynd og leggur til ...
3. feb 2021

The Icelandic Economy 2020

Viðskiptaráð hefur gefið út hina árlegu skýrslu The Icelandic Economy. Skýrslan ...
22. sep 2020