Föstudagskaffi um atvinnurekstur hins opinbera

Viðskiptaráð býður til hálfsmánaðarlegs morgunfundar föstudaginn 26. nóvember.

Að þessu sinni mun Elísa Arna Hilmarsdóttir, sérfræðingur í greiningum hjá Viðskiptaráði, kynna skoðun framleiðnihóps Viðskiptaráðs um atvinnustarfsemi hins opinbera sem gefin verður út sama dag.

Skoðunin byggist á Ísland ohf., sambærilegri kortlagningu Viðskiptaráðs frá 2016, og dregur hin nýja skoðun m.a. fram þær breytingar sem hafa orðið, og ekki orðið, síðan þá.

Þá ræðir Elísa skoðunina og málefni tengd atvinnustarfsemi og samkeppnisrekstri hins opinbera við Árna Hauksson, fjárfesti, og Hrund Rudolfsdóttur, forstjóra Veritas, en Árni og Hrund eru bæði meðlimir framleiðnihóps ráðsins.

Föstudagskaffið verður opið öllum áhugasömum enda eiga umræða og nýjar upplýsingar um umfangsmikla starfsemi hins opinbera erindi við okkur öll.

Fylgstu með í spilaranum hér fyrir ofan kl. 9 á föstudagsmorgun. Ef spilarinn virkar ekki, smelltu þá hér.

Tengt efni

Er stórtækur atvinnurekstur hins opinbera náttúrulögmál?

Að viðskiptabönkunum undanskildum hefur stöðugildum hins opinbera í ...
26. nóv 2021

Elísa Arna og Sigrún Agnes til Viðskiptaráðs

Elísa Arna Hilmarsdóttir hefur tekið til starfa sem sérfræðingur á hagfræðisviði ...
3. sep 2021