Kristrún nýr hagfræðingur Viðskiptaráðs

Kristrún Frostadóttir hefur verið ráðin hagfræðingur Viðskiptaráðs Íslands. Kristrún tekur við starfinu af Birni Brynjúlfi Björnssyni sem hefur starfað sem hagfræðingur ráðsins síðastliðin þrjú ár. Kristrún mun hefja störf i lok mars.

Kristrún kemur til Viðskiptaráðs frá bandaríska fjárfestingarbankanum Morgan Stanley. Þar hefur hún starfað sem sérfræðingur i greiningardeild, fyrst í New York og síðan í London. Sérsvið Kristrúnar í London sneri að greiningu á evrópskum netverslunarfyrirtækjum. Í New York sinnti hún greiningarvinnu í tengslum við bandarísk eignastýringar- og orkufyrirtæki.

Áður hefur Kristrún starfað meðal annars sem blaðamaður á Viðskiptablaðinu og sem hagfræðingur í starfshóp á vegum forsætisráðuneytisins. Auk þess starfaði hún sem hagfræðingur í greiningardeild Arion banka árin 2011-2012.

Kristrún er með meistaragráðu i alþjóðafræðum frá Yale-háskóla í Bandaríkjunum, með áherslu á hagstjórn og alþjóðafjármál, og meistaragráðu í hagfræði frá Boston-háskóla. Þá er hún með BS-próf í hagfræði frá Háskóla Íslands.

Tengt efni

Fréttir

Mannabreytingar hjá Viðskiptaráði

Konráð S. Guðjónsson verður aðstoðarframkvæmdastjóri og Steinar Þór Ólafsson er ...
30. jún 2020
Fréttir

Heimsókn til Orf líftækni

Það er kappsmál að heyra og skilja áskoranir aðildarfélaga okkar og hvernig við ...
17. sep 2020
Fréttir

Tilkynning: Konráð tekur við af Kristrúnu

Breytinga er nú að vænta á hagfræðisviði Viðskiptaráðs þar sem að Konráð S. ...
15. des 2017