Mannabreytingar hjá Viðskiptaráði

Konráð S. Guðjónsson verður aðstoðarframkvæmdastjóri og Steinar Þór Ólafsson er nýr sérfræðingur í samskiptum og miðlun.

Konráð S. Guðjónsson verður aðstoðarframkvæmdastjóri

Konráð S. Guðjónsson verður nýr aðstoðarframkvæmdastjóri Viðskiptaráðs Íslands frá og með 1. júlí. Konráð hefur starfað sem hagfræðingur ráðsins frá ársbyrjun 2018 og mun áfram gegna því hlutverki. Konráð starfaði áður í þrjú ár sem sérfræðingur í greiningardeild Arion banka. Þar áður starf­aði hann um hríð sem hag­fræð­ingur á skrif­stofu for­set­a Tansan­íu, hjá Hag­fræði­stofnun Háskóla Íslands og var starfs­nemi hjá Þró­un­ar­sam­vinnu­stofnun Íslands í í Úganda. Kon­ráð hefur kennt hag­fræði fast­eigna­mark­að­ar­ins hjá End­ur­menntun Háskóla Íslands og veitt leið­sögn við lax­veiði svo eitt­hvað sé nefnt.

Kon­ráð er með meistara­gráðu í hag­fræði frá Warwick háskóla í Bretlandi og BS-­próf í hag­fræði frá Háskóla Íslands.

Ásta S. Fjeldsted, framkvæmdastjóri Viðskiptaráðs segir ráðið spennt að fá Konráð í þetta nýja hlutverk.  „Konráð hefur gengt lykilhlutverki við greiningar Viðskiptaráðs á íslensku efnahags- og atvinnulífi, sem iðulega hafa vakið athygli fyrir gagnrýna, en um leið ferska nálgun. Við erum spennt að fá hann í þetta nýja hlutverk samhliða greiningunum sem mun efla starfsemi ráðsins enn frekar.“

Steinar Þór Ólafsson ráðinn sérfræðingur í samskiptum og miðlun

Þá hefur Steinar Þór Ólafsson verið ráðinn sem sérfræðingur í samskiptum og miðlun til Viðskiptaráðs Íslands. Steinar Þór mun jafnframt taka þátt í málefnastarfi ráðsins sem og annarri daglegri starfsemi. Hann hefur störf í lok ágúst.

Steinar Þór starfaði áður sem markaðsstjóri Skeljungs og þar á undan sem stafrænn stjórnandi N1. Hann er liðtækur pistlahöfundur á Rás 1 ásamt því að skrifa greinar og flytja erindi um vinnumenningu.

Steinar Þór er með MBA frá Háskólanum í Reykjavík og B.Sc. í íþróttavísindum frá tækni- og verkfræðideild HR.

Ásta S. Fjeldsted, framkvæmdastjóri Viðskiptaráðs, segist spennt að fá Steinar Þór til liðs við Viðskiptaráð: „Hann hefur fjölbreytta reynslu og þekkingu sem mun nýtast vel í störfum ráðsins.“

Tengt efni

Greinar

Landsliðið - í samkeppnishæfni

Það er við hæfi á þessum degi, þegar við horfum spennt á stelpurnar okkar mæta ...
18. júl 2017
Greinar

Sameiginlegir hagsmunir þjóðarinnar snúa að framtíðinni

Tómas Már Sigurðsson og Finnur Oddsson fjölluðu um mannabreytingar hjá ráðinu, ...
21. okt 2009
Fréttir

Mannabreytingar hjá Viðskiptaráði

Þórunn Stefánsdóttir hefur verið ráðin fjármálastjóri Viðskiptaráðs. Þórunn er ...
15. nóv 2007