Opið fyrir umsóknir um námsstyrki

Opið er fyrir styrkumsóknir til námsstyrkja úr Menntasjóði Viðskiptaráðs frá og með 7.desember 2020. Þeir sem geta sótt um eru nemendur í fullu framhaldsnámi erlendis.

Í ár eru fjórir styrkir veittir að upphæð 1.000.000 kr. hver.

Umsóknarfrestur er til og með 10. janúar 2021 og verða styrkþegar tilkynntir 11. febrúar 2021.

Viðskiptaráð hefur um árabil veitt styrki úr Menntasjóði Viðskiptaráðs Íslands (MVÍ) til einstaklinga í framhaldsnámi við erlenda háskóla í greinum sem tengjast atvinnulífinu og stuðla að framþróun þess. Venju samkvæmt er a.m.k. einn styrkur veittur nemanda í námsgrein tengdri upplýsingatækni.

Ákvörðun um hver hlýtur styrkina tekur námsstyrkjanefnd en í henni sitja: Ari Kristinn Jónsson, Daði Már Kristófersson og Guðbjörg Edda Eggertsdóttir.