Viðskiptaráð Íslands flytur skrifstofur sínar í Hús atvinnulífsins

Nú um áramótin verður starfsemi Viðskiptaráðs Íslands, auk allra millilandaráða sem starfa innan vébanda ráðsins, flutt yfir í Hús atvinnulífsins, Borgartúni 35.

Flutningur starfseminnar skapar faglegan ávinning fyrir ráðið í gegnum aukið návígi við önnur hagsmunasamtök atvinnulífsins. Þá er nýtt húsnæði jafnframt hagkvæmara í rekstri og betur sniðið að núverandi starfsemi. Í grundvallaratriðum helst starfsemi ráðsins óbreytt og hægt verður að nálgast alla beina þjónustu með sama hætti og verið hefur.

Vegna flutninganna verða skrifstofur ráðsins lokaðar 29. og 30. desember. Hægt verður að nálgast upprunavottorð og ATA Carnet skírteini í móttöku Hús atvinnulífsins þá daga sem skrifstofan er lokuð.

Frekari upplýsingar veitir Þórunn Stefánsdóttir, fjármálastjóri Viðskiptaráðs, í síma 510-7100.

Tengt efni

Katrín Jakobsdóttir á föstudagsfundi Viðskiptaráðs

Félagar Viðskiptaráðs fá reglulega uppfærslu á efnahagsstöðunni á tímum COVID-19 ...
21. apr 2020

Hagkvæmari leikreglur til bættra lífskjara

Regluverk leggst þyngst á smærri fyrirtæki, þar sem þau hafa síður bolmagn til ...
7. jan 2021

Samkomulag millilandaráða Viðskiptaráðs og utanríkisráðuneytis undirritað

Í dag undirrituðu utanríkisráðuneytið og alþjóðlegu viðskiptaráðin sem starfa ...
8. nóv 2018