Stefnum á Íslandsmet í hagvexti 2021

Við viljum að hagkerfið taki „V-feril“ þannig að við komum okkur hratt og örugglega út úr hremmingunum.

Sköfum ekkert ofan af því: Íslenskt atvinnu- og efnahagslíf er skelfilegri stöðu og verður það áfram einhverjar vikur og jafnvel mánuði vegna COVID-19 heimsfaraldursins. Seðlabankar og ríkisstjórnir um allan heim keppast nú við að ráðast í risavaxnar björgunaraðgerðir vegna stöðunnar.

Til að mynda ætlar norska ríkið í aðgerðir til að hjálpa fyrirtækum sem jafnast á við 85 milljarða íslenskra króna aðgerðir hér á landi og bandaríski seðlabankinn hefur lækkað vexti um 1,5 prósentustig. Markmið slíkra aðgerða, sem á að vera forgangsatriði allra sem vettlingi geta valdið hér á landi, er að tryggja að efnahagslífið nái sér hratt og örugglega eftir höggið vegna COVID-19.

Við viljum augljóslega ekki lenda í varanlegum efnahagslegum skaða og hægum bata eins og í meðfylgjandi sýnidæmum. Við viljum að hagkerfið taki „V-feril“ þannig að við komum okkur hratt og örugglega út úr hremmingunum. Höggið verður óhjákvæmilega þungt og óvissan mikil en gangi allt eftir mun birta fljótlega á ný og Íslandsmet í hagvexti, horft á síðustu fimm áratugi (9,4% árið 2007), gæti verið í hættu á næsta ári.

Konráð S. Guðjónsson, hagfræðingur Viðskiptaráðs Íslands

Greinin birtist fyrst í „Ráðdeildinni“ í Markaðnum 18. mars 2020.

#covid19vaktin

Tengt efni

Tölum um tilnefningarnefndir

Opinn morgunfundur IcelandSIF, Nasdaq Iceland, Samtaka atvinnulífsins og ...
21. mar 2023

Hvað eiga Ísland, Mósambík og Kongó sameiginlegt?

Þá séu svo einfaldir útreikningar fremur til þess fallnir að kasta ryki í augun ...
12. apr 2023