Nútímavæðing sparisjóðaumhverfisins

Á undanförnum árum hefur orðið mikil og ör þróun í starfsemi sparisjóðanna. Nú er svo komið að þeir eru þátttakendur á flestum þeim sviðum sem aðrir viðskiptabankar starfa. Framþróun og vöxtur sparisjóðanna hefur leitt í ljós talsverð vandkvæði á núverandi starfsumhverfi. Nýleg tillaga stjórnar SPRON um hlutafjárvæðingu sjóðsins er skynsamleg tilraun til að draga úr þeim skorðum sem lagaumhverfið setur sparisjóðunum. Það er þó ljóst að slíkur gjörningur er óraunhæfur möguleiki fyrir marga sjóði.

Lagaumhverfi sparisjóðanna hefur breyst með tíð og tíma. Upphaflega var m.a. óheimilt að framselja stofnbréf, lögbundið var að hluti stjórnar væri skipaður opinberum starfsmönnum og miklar skorður voru settar við útgreiðslu arðs af stofnfjárbréfum. Tekin hafa verið skref í rétta átt hvað ýmsa þætti varðar, en núverandi fyrirkomulag er þó ekki til þess fallið að stuðla að frekari framþróun sjóðanna. Samkeppnisstaða þeirra er veik gagnvart viðskiptabönkunum, gagnsæi og lagaumhverfi óhagfellt og síðast en ekki síst er eignarhald og ráðstöfunarréttur sjóðanna óskýr. Viðskiptaráð telur afar brýnt að taka lagaumhverfi og fyrirkomulag kerfisins til endurskoðunar, sé ætlun stjórnvalda að tryggja vöxt og viðgang þess, styrkja byggðir sem sjóðirnir tilheyra og varðveita hagsmuni stofnfjáraðila.

Skoðunina í heild sinni má nálgast hér

Tengt efni

Eignarhald íslenska ríkisins á skjön við önnur vestræn ríki 

„Að mati Viðskiptaráðs á hið opinbera ekki að stunda atvinnurekstur sem aðrir ...
12. mar 2024

Þess vegna á að selja hlut í Íslandsbanka

Áhætta, mikill fórnarkostnaður og vaxandi samkeppni eru meðal ástæðna fyrir því ...
22. jan 2021