Gjaldeyrishöftin: Ný skýrsla og afnámsáætlun

Nýverið kom út ný skýrsla Viðskiptaráðs um gjaldeyrishöftin þar sem fjallað er um kostnaðinn sem af þeim hlýst og efnahagsleg áhrif þeirra. Tilgangur með útgáfu skýrslunnar er að ýta á ný við umræðu um gjaldeyrishöftin með því að varpa ljósi á margvíslega skaðsemi þeirra fyrir íslenskt hagkerfi verði þau of lengi við lýði.

Samhliða gerð skýrslunnar hafði Viðskiptaráð frumkvæði að því að kalla til hóp sérfræðinga til að móta nýja áætlun um afnám hafta. Sú áætlun felur í sér metnaðarfulla en raunhæfa leið til afnáms hafta á um það bil einu ári, án þess að verulegur þrýstingur verði á gjaldeyrismarkað og kostnaði verði haldið í lágmarki. Skýrslan og áætlun hópsins voru kynnt á morgunverðarfundi Viðskiptaráðs og SI sem fram fór 15. desember.

Í hópnum sátu eftirtaldir:

  • Erlendur Magnússon, framkvæmdastjóri Total Capital Partners
  • Finnur Oddsson, framkvæmdastjóri Viðskiptaráðs Íslands
  • Gylfi Magnússon, dósent við viðskiptafræðideild HÍ
  • Lúðvík Elíasson, hagfræðingur
  • Orri Hauksson, framkvæmdastjóri Samtaka iðnaðarins
  • Páll Harðarson, forstjóri NASDAQ OMX Iceland
  • Tanya Zharov, framkvæmdastjóri lögfræðisviðs Auðar Capital
  • Yngvi Örn Kristinsson, hagfræðingu

Það er von Viðskiptaráðs Íslands að umræðan sem skapast um efni þessarar skýrslna og tillögur vinnuhóps um nýja og markvissari áætlun um afnám gjaldeyrishafta verði til þess að íslenskt efnahagslíf losni sem fyrst úr viðjum gjaldeyrishafta. Það yrði stór áfangi á vegferð til heilbrigðara rekstrarumhverfis fyrirtækja og betri lífskjara fyrir þá sem Ísland byggja.

Skýrslu Viðskiptaráðs og greinagerð hópsins má finna hér:

Glærur af morgunverðarfundinum 15. desember:

Tengt efni

Launakostnaður á Íslandi og skaðsemi atvinnuleysis

Eitt mikilvægasta verkefnið næstu mánuði er að sporna gegn atvinnuleysi með ...
29. sep 2020

Katrín Jakobsdóttir á föstudagsfundi Viðskiptaráðs

Félagar Viðskiptaráðs fá reglulega uppfærslu á efnahagsstöðunni á tímum COVID-19 ...
21. apr 2020

Stytting stúdentsprófs - flas eða framfaraspor?

Í dag verður haldið málþing í sal Verzlunarskóla Íslands um styttingu náms til ...
12. apr 2005