Yfir 100 gestir sóttu ráðstefnu um einkaframkvæmd sem haldin var í Háskólanum í Reykjavík í gær. Ráðstefnan var samstarfsverkefni ýmissa aðila, en auk Viðskiptaráðs og Háskólans í Reykjavík komu að verkefninu Samtök atvinnulífsins, KPMG, Glitnir, Þyrping, Nýsir, ÍAV, Seltjarnarnesbær, Baugur, Sjóvá og Milestone.
Fjölmörg erindi voru flutt á ráðstefnunni. Árni Mathiesen, fjármálaráðherra, kynnt sýn stjórnmála á einkaframkvæmdir í næstu framtíð. Davíð Þorláksson, lögfræðingur, kynnti niðurstöður nýrrar skýrslu Viðskiptaráðs um mögulega einkavæðingu á fasteignum ríkisins. Sérfræðingar frá KPMG í Bretlandi kynntu skýrslu um árangur einkaframkvæmda þar í landi. Vigdís Jónsdóttir, framkvæmdastjóri InPro, kynnti möguleika til aukinna einkaframkvæmda í heilbrigðismálum. Margrét Pála Ólafsdóttir, formaður Samtaka sjálfstæðra skóla, lýsti sýn sinni á menntamál. Að lokum fór Halldór Benjamín Þorbergsson, hagfræðingur, yfir möguleika einkaframkvæmda í samgöngumálum.
Í kjölfar erinda voru pallborðsumræður þar sem frummælendur, ásamt Degi B. Eggertssyn og Árna Þór Sigurðssyni borgarfulltrúum, sátu fyrir svörum. Fundarstjóri var Halla Tómasdóttir, framkvæmdastjóri Viðskiptaráðs.
Skýrsluna Opinberar fasteignir - Umfangsmesta einkavæðingin? má nálgast hér