The Icelandic Economy 2020

Viðskiptaráð hefur gefið út hina árlegu skýrslu The Icelandic Economy. Skýrslan er á ensku og fjallar um íslenskt efnahagslíf í víðu samhengi. Að þessu sinni er einnig fjallað ítarlega um efnahagsáhrif COVID-19 hér á landi. Útgáfan er í glæruformi með áherslu á myndræna framsetningu.

Efnisatriði skýrslunnar eru meðal annars: 

• Þróun helstu hagstærða og samhengi þeirra við önnur ríki
• Utanríkisviðskipti og erlend staða þjóðarbúsins
• Þróun helstu útflutningsgreina
• Einkenni og þróun fjármálamarkaða
• Ríkisfjármál, peningastefna og önnur stofnanaumgjörð
• Efnahagsáhrif COVID-19 til þessa
• Samkeppnishæfni Íslands til skemmri og lengri tíma
• Mögulegar fjárfestingar, í innviðum sem og öðru

Íslenskt efnahagslíf hefur gengið í gegnum miklar breytingar á síðustu árum og fyrir lítið opið hagkerfi er nauðsynlegt að upplýsingagjöf til erlendra aðila sé öflug. Skýrslan er því send til erlendra tengiliða í fyrirtækjum, alþjóðastofnunum, systursamtökum Viðskiptaráðs og hjá hinu opinbera víðs vegar um heiminn. 

Viðskiptaráð býður upp á kynningar á skýrslunni og prentuð eintök til sölu (í takmörkuðu upplagi). Hafa má samband við hagfræðing ráðsins, Konráð S. Guðjónsson, á netfanginu konrad@vi.is fyrir nánari upplýsingar. 

Skjáskot úr skýrslunni:

Smellið hér til að opna skýrsluna