Hvað er fjármagnstekjuskattur?

Fjármagnstekjuskattur hefur mikið verið í deiglunni að undanförnu. Af því tilefni hefur Viðskiptaráð tekið saman stutt myndband um fjármagnstekjuskatt. Þar kemur fram að fjármagnstekjuskattur er lagður á eignatekjur fólks eins og vexti, leigutekjur, söluhagnað og arðgreiðslur. Skattprósentan í dag er 22% og hefur hækkað úr 10% á innan við áratug, þar með talið um 2 prósentustig um síðustu áramót.

Nokkrar ástæður eru fyrir því að skattprósenta fjármagnstekjuskatts er minni en af launatekjum. Í fyrsta lagi er þegar búið að greiða 20% tekjuskatt af hagnaði fyrirtækja, auk annarra skatta, þegar einstaklingur greiðir skatt af arðgreiðslum.

Fyrr á árinu gaf Viðskiptaráð út skoðun um fjármagnstekjuskatt. Þar er fjallað nánar um samspil verðbólgu, ávöxtunar og fjármagnstekjuskatts. Þar kemur meðal annars fram að fjármagnstekjuskattur er hærri eftir því sem verðbólga er meiri sem þýðir auknar tekjur til ríkissjóðs og þannig verður minni hvati fyrir stjórnvöld til að halda aftur af verðbólgu. Þá eykur núverandi fjármagnstekjuskattur sveiflur í ávöxtun og hvetur til áhættusækni. Vegna þessara atriða hefur verið boðuð endurskoðun á stofni fjármagnstekjuskatts.

Tengt efni

Hver er þín staðreyndavitund?

Viðskiptaráð kynnir til leiks skemmtilegan spurningaleik um íslenskt viðskipta- ...
28. nóv 2018

Umfjöllun um Ísland í the Wall Street Journal

Fjallað er um þann árangur sem náðst hefur í íslensku hagkerfi með ...
9. mar 2007

Útgjöld skila ekki sjálfkrafa árangri

Viðskiptaráð hefur skilað inn umsögn um frumvarp til fjárlaga 2018. Viðskiptaráð ...
19. des 2017