Viðskiptaráð ÍslandsStjórn
Stjórn Viðskiptaráðs er kosin á aðalfundi ráðsins sem haldinn er annað hvert ár. Stjórnina skipa 37 manns auk formanns sem kosinn er sérstaklega. Alls eru því 38 fulltrúar aðildarfélaga sem hafa aðgang að fundum stjórnar Viðskiptaráðs.
Löng hefð er fyrir því að halda stjórnarfundi fyrsta mánudag hvers mánaðar að júlí og ágúst undanskildum. Á fundunum eru ýmis mál tengd atvinnulífinu rædd auk almennra stefnumála Viðskiptaráðs. Fulltrúar allra aðildarfélaga Viðskiptaráðs eru kjörgengir til stjórnar og fer atkvæðavægi í kosningum eftir árgjaldaflokki hvers fyrirtækis.
Framkvæmdastjórn markar stefnu Viðskiptaráðs á hverjum tíma og hefur yfirumsjón með daglegum störfum ráðsins. Mál sem koma til kasta ráðsins eru því í flestum tilfellum rædd innan framkvæmdastjórnarinnar. Framkvæmdastjórn skipa formaður stjórnar, auk sex fulltrúa sem kosnir eru úr stjórn Viðskiptaráðs. Framkvæmdastjórn hvers tíma má sjá hér neðar á síðunni.
Formaður Viðskiptaráðs
Ari var kjörinn formaður 13. febrúar 2020 og gegnir embættinu til 2022.
Stjórn
Stjórn Viðskiptaráðs var kjörin 13. febrúar 2020 til tveggja ára.
Framkvæmdastjórn
Kosið verður um framkvæmdastjórn á fyrsta fundi nýrrar stjórnar.
Um okkur
Viðskiptaráð Íslands er heildarsamtök fyrirtækja, félaga og einstaklinga í íslensku atvinnulífi. Ráðið og þeir sem að því standa telja að heilbrigt og kraftmikið atvinnulíf skapi forsendur til framfara og bættra lífskjara hér á landi.