Hærri fæðingarorlofsgreiðslur væru framfaraskref

Viðskiptaráð hefur skilað inn umsögn til velferðarráðuneytisins vegna draga að frumvarpi um breytingu á lögum um fæðingar- og foreldraorlof. Með frumvarpinu er annars vegar lagt til að fæðingarorlof foreldra verði lengt og hins vegar að mánaðarleg hámarksgreiðsla úr fæðingarorlofssjóði verði hækkuð. Að mati Viðskiptaráðs er hækkun hámarksgreiðslu til foreldra í fæðingarorlofi til mikilla bóta en samræma ætti skerðingarhlutföll fyrir ólíka tekjuhópa. Ráðið leggst hins vegar gegn lengingu fæðingarorlofs úr níu mánuðum í tólf.

Umsögnina má lesa hér

Í umsögninni kemur meðal annars fram:

  • Á meðan launamunur kynjanna er til staðar er lág hámarksgreiðsla úr Fæðingarorlofssjóði til þess fallin að hægja á breytingum í átt að auknu jafnrétti á vinnumarkaði.
  • Ráðið gerir athugasemd við að fyrstu 300.000 kr. viðmiðunartekna verði óskertar en að 20% skerðing verði á viðmiðunartekjum umfram þá upphæð. Að mati ráðsins er ekki heppilegt að blanda markmiðum um aukinn tekjujöfnuð inn í stuðningskerfi fyrir foreldra.
  • Að lokum leggst ráðið gegn því að fæðingarorlof verði lengt úr níu mánuðum í tólf. Telur ráðið að frekar ætti að brúa bilið frá því að fæðingarorlofi lýkur þar til barn fær leikskólavist með öðrum hætti.

Tengt efni

Sveitarfélög horfi til alþjóðageirans

Viðskiptaráð hvetur Reykjavíkurborg til að skapa atvinnulífinu gott ...
2. jún 2021

Hagkvæmari leikreglur til bættra lífskjara

Regluverk leggst þyngst á smærri fyrirtæki, þar sem þau hafa síður bolmagn til ...
7. jan 2021

Ógn við efnahagsbatann?

Erfitt er að átta sig á hvernig má ná niður atvinnuleysi í hálaunalandi án þess ...
15. jan 2021