Breyting á lögum um greiðsluþjónustu

Viðskiptaráð Íslands hefur skilað inn umsögn til efnahags- og viðskiptanefndar um frumvarp til laga um breytingu á lögum nr. 120/2011 um greiðsluþjónustu (9. mál).

Þrátt fyrir að Viðskiptaráð sé í grunninn sammála frumvarpshöfundum um mikilvægi neytendaverndar og þess að draga úr skuldsetningu íslenskra heimila þá tekur ráðið ekki undir réttmæti frumvarps þessa. Líkt og komið er inná í ítarlegri umsögn SFF við frumvarp þetta þá gildir sambærilegt kerfi hér og í langflestum ríkjum EES-svæðisins og byggir það m.a. einmitt á ströngum reglum til að tryggja gagnsæi fyrir neytendur.

Þá virðist gæta ákveðins misskilnings í frumvarpinu s.s. um að viðskiptaskilmálar færsluhirða banni tiltekna valkosti móttakenda korta. Auk þess eru breytingar á núgildandi regluverki fyrirsjáanlegar vegna breytinga innan ESB, sem rétt væri að rýna frekar þegar að þeim kemur í stað þess að innleiða séríslenskar reglur. Að lokum er farið ítarlega yfir grundvöll forsendna frumvarpsins um lækkun vöruverðs í umsögn SFF sem óþarft er að endurtaka hér.

Viðskiptaráð leggur því til að frumvarpið nái ekki fram að ganga.

Umsögnina má í heild sinni nálgast hér

Tengt efni

Greinar

Hlutabætur í algjörri óvissu

Eftir að umræðan komst á flug um hverjir ættu rétt á úrræðinu eða ekki, hefur ...
19. maí 2020
Umsagnir

Breyting á lögum um vátryggingastarfsemi

Viðskiptaráð Íslands hefur skilað inn umsögn til efnahags- og viðskiptanefndar ...
29. nóv 2013
Fréttir

Viðtal við Finn Oddsson í nýjasta tölublaði Neytendablaðsins

Í nýjasta tölublaði Neytendablaðsins situr Finnur Oddsson, framkvæmdstjóri ...
25. jún 2009