Breytingar á neyslusköttum og barnabótum

Viðskiptaráð hefur skilað inn umsögn til efnahags- og viðskiptanefndar Alþingis vegna frumvarps til laga um breytingu á lögum um virðisaukaskatt og tekjuskatt og brottfall laga um vörugjöld.

Umsögnina má nálgast á eftirfarandi slóð

Í umsögninni kemur m.a. eftirfarandi fram:

  • Breytingar á neyslusköttum auka kaupmátt heimila um 0,4% að meðaltali. Kaupmáttaraukningin er mest fyrir tekjulægsta fjórðung heimila, eða um 0,5%. Þá auka breytingar á barnabótum ráðstöfunartekjur heimila um 0,1% af meðaltali. Aukningin er mest fyrir tekjulægsta fjórðung heimila, eða um 0,6%.
  • Lágmarka má óhagræði vegna breytinganna með því að flýta lítillega gildistöku niðurfellingar vörugjalda og seinka lítillega gildistöku breytinga á virðisaukaskatti. Það kæmi í veg fyrir að verslanir sitji uppi með birgðir vegna boðaðra verðlækkana í kjölfar brottfals vörugjalda eða þurfi að breyta virðisaukaskatti um áramót þegar mikið álag er á verslunum og vörum er skilað eða skipt.
  • Heilt yfir telur Viðskiptaráð fyrirliggjandi frumvarp vera þýðingarmikið skref í rétta átt í skattamálum og fyrirhugaðar breytingar væru til þess fallnar að auka skilvirkni neysluskatta og styrkja grundvöll verðmætasköpunar hérlendis. Þá hafa stjórnvöld útfært breytingarnar þannig að þær komi best út fyrir tekjulægstu heimilin í landinu.

Umsögnina má nálgast á eftirfarandi slóð

Tengt efni

Umsagnir

Almennar aðgerðir varði leiðina áfram

Með ströngum skilyrðum hlutabótarleiðar er beinlínis gengið gegn þeirri áherslu ...
27. maí 2020
Staðreyndir

Sólin rís í austri og skattahækkanir eru fleiri en lækkanir

Um áramót voru gerðar 18 skattahækkanir og 6 skattalækkanir. Ný þrepaskipting ...
21. apr 2020
Umsagnir

Gölluð og óljós leið hlutdeildarlána

Markmið frumvarps um hlutdeildarlán eru góð en leiðin að þeim er ekki líkleg til ...
22. jún 2020