Veiðigjöld

Viðskiptaráð hefur skilað inn umsögn til atvinnuveganefndar Alþingis vegna frumvarps til laga um breytingu á lögum um veiðigjöld. Með frumvarpinu eru lagðar til ýmsar breytingar á innheimtu veiðigjalds og lagt til að það verði ákveðið til þriggja ára í senn.

Í umsögninni kemur m.a. eftirfarandi fram:

  • Mikilvægt er að þjóðin njóti arðs af auðlindum landsins, en um þetta sjónarmið ríkir almenn sátt þó deilt sé um fyrirkomulag slíks arðs.
  • Við skattlagningu íslenskra sjávarútvegsfyrirtækja ætti að líta til þess hvernig samskonar skattlagningu er hagað í öðrum ríkjum. Skattlagning umfram það sem gengur og gerist annars staðar skerðir óhjákvæmilega samkeppnishæfni íslenskra sjávarútvegsfyrirtækja sem eru í alþjóðlegri samkeppni.
  • Viðskiptaráð telur óheppilegt að byggja reiknigrunn veiðigjalds á tölfræðilegu úrtaki Hagstofunnar í ljósi þess að upplýsingarnar eru að jafnaði ekki yngri en tveggja ára og ná því ekki að endurspegla breytingar í sjávarútvegi sem geta bæði verið miklar og átt sér stað á skömmum tíma.
  • Ráðið leggur áherslu á mikilvægi þess að unnið verði að framtíðarlausn í samráði við helstu hagsmunaaðila. Arður af auðlindum landsins verður aðeins hámarkaður með því að búa viðkomandi atvinnugreinum hagfelld rekstrarskilyrði til lengri tíma.

Umsögnina má í heild sinni nálgast hér

Tengt efni

Umsagnir

Góðar aðgerðir sem duga skammt

Viðskiptaráð fagnar þeim aðgerðum sem kynntar hafa verið vegna kórónuveirunnar ...
24. mar 2020
Umsagnir

Frumvarp til laga um breytingu á lögum um veiðigjöld

Viðskiptaráð Íslands hefur sent inn umsögn til atvinnuveganefndar Alþingis vegna ...
7. maí 2014
Fréttir

Aukið samstarf um skattamál

Áfangaskýrsla starfshóps um skattamál fyrirtækja, sem Haraldur I. Birgisson ...
30. apr 2013