Víða pottur brotinn í laga- og stofnanaumgjörð

Viðskiptaráð skilaði inn umsögn um tillögu til þingsályktunar um samkeppnisúttekt á löggjöf og regluverki. Tillagan snýt að því að fela forsætisráðherra að vinna heildstæða úttekt á löggjöf og regluverki hér á landi með hliðsjón af áhrifum á virka samkeppni á markaði. Viðskiptaráð fagnar tillögunni eindregið, þó telur ráðið að tillagan þurfi að taka mið af því verkefni sem nú þegar er hafið á vegum atvinnuvegaráðuneytisins, en þar er hafin samkeppnisúttekt á löggjöf ferðaþjónustu og byggingariðnaðar.

Viðskiptaráð telur þarft að framkvæma heildarmat á löggjöf á Íslandi með hliðsjón af áhrifum á virka samkeppni og einföldun regluverks viðskiptalífsins. Þrátt fyrir að stór hluti þess regluverks sem íslensk fyrirtæki búa við sé sambærilegur við það sem tíðkast í nágrannaríkjum okkar er víða pottur brotinn í laga- og stofnanaumgjörð hér á landi. Umbætur á stofnanakerfi og leikreglum hafa hingað til setið á hakanum og hvetur ráðið stjórnvöld til að hefja úttekt regluverks sem allra fyrst með það að leiðarljósi að einfalda regluverkið eins og kostur er.

Umsögnina í heild sinni má lesa hér

Tengt efni

Icelandic Economy 4F 2022

Viðskiptaráð hefur birt nýja ársfjórðungslega útgáfu af The Icelandic Economy. ...
13. okt 2022

Viðskiptaráð ítrekar ábendingar um atriði sem stríða gegn almannahagsmunum

Umsögn Viðskiptaráðs um frumvarp til laga um leigubifreiðaakstur (167. mál).
20. okt 2022

Viðskiptaráð hvetur löggjafann til að leita hófsamari leiða

Umsögn Viðskiptaráðs um frumvarp til laga um breytingu á húsaleigulögum
1. nóv 2022