Morgunverður með fyrrverandi forstjóra IBM í Þýskalandi

Staðsetning: Nordica hóteli, salur I (á 2. hæð) kl. 8:15-9:45

 

Hans Olaf Henkel forseti Leibniz samtakanna og fyrrverandi forstjóri IBM í Þýskalandi gestur á fundi ÞÍV og VÍ.


Í ljósi æ erfiðari stöðu þýskra efnahagsmála, síaukins atvinnuleysis og stöðnunar, efnir Þýsk-íslenska verslunarráðið í samvinnu við

Verslunarráð Íslands, til fundar með Hans Olaf Henkel, einum skeleggasta talsmanni þýsks atvinnulífs hin síðari ár.

-Hvaða leiðir eru til úrbóta?
-Hvernig má örva nýsköpun?
-Eru róttækar þjóðfélagsbreytingar óumflýjanlegar?
-Þvælist ,,arfleið” Þriðja ríkisins enn fyrir umbótum?

Hans Olaf Henkel er fyrrverandi forstjóri IBM í Þýskalandi, og æðsti maður IBM í Evrópu um árabil. Hann var mjög áberandi sem formaður Samtaka iðnaðarins í Þýskalandi (BDI) 1995 – 2000, en er nú forseti Leibniz samtakanna, samtaka 84 rannsóknarstofnana með 12.500 starfsmenn og 1 milljarð evra í veltu árlega. Henkel hefur hlotið margvíslegar viðurkenningar á ferli sínum og skrifað fjórar mjög þekktar bækur um nýsköpun og efnahagsmál svo fátt eitt sé talið.

Fundurinn verður á Nordica hóteli, sal I, og fer fram á ensku og er öllum opinn.

Fundargjald kr. 2500 (morgunverður innifalinn).

Tengt efni

Flugeldasýningar endast stutt

Stundum er sagt að kjósendur fái þá stjórn sem þeir eiga skilið. Á móti má segja ...
24. sep 2021

Engar tekjur og endalaus útgjöld? Greining á loforðum flokkanna

SA og VÍ áætla að afkoma ríkissjóðs gæti versnað um allt að 250 milljarða. ...
22. sep 2021

Alltaf á þolmörkum? Staða og framtíðarhorfur í heilbrigðismálum

Viðskiptaráð efnir til morgunfundar um heilbrigðismál. Fundurinn er einungis ...
18. ágú 2021