Hvað er svona merkilegt við fjölbreytileika?

Viðskiptaráð Íslands, í samstarfi við Festu - miðstöð um samfélagsábyrgð og Félag sameinuðu þjóðanna á Íslandi bjóða á opna athöfn þann 21. maí þar sem árvekniátak um fjölbreytileika verður formlega ræst með forsætisráðherra Íslands. Í athöfninni verða árveknimyndbönd kynnt til leiks og lotukerfi fjölbreytileikans afhent forsætisráðherra Íslands, Katrínu Jakobsdóttur. Sérstakir tónlistarflytjendur eru Ásta Dóra Finnsdóttir, 12 ára píanósnillingur og Barnakór Ísaksskóla undir stjórn Sunnu Karenar Einarsdóttur.

Hvenær: Þriðjudaginn 21. maí - Alþjóðlegur dagur SÞ um menningarlegan fjölbreytileika
Klukkan: 14:00 - 14:40
Hvar: Safnahúsinu við Hverfisgötu 15

Nánar um verkefnið:

Á sama hátt og viðskiptalífið þarf að styðja ötullega við markmið er snúa að því að auka efnahagslegan stöðugleika og fjölga stoðum hagvaxtar hér á landi, er ljóst að í mörgum tilfellum þarf ekki að leita langt yfir skammt til að styrkja starfsemi íslenskra fyrirtækja. Stórt hagsmunamál fyrir viðskiptalífið á Íslandi er aukin fjölbreytni, hvort heldur sem er í stjórnum, framkvæmdastjórnum eða meðal starfsmanna. Af þeim sökum var fjölbreytnihópur Viðskiptaráðs stofnaður með það að markmiði að stuðla að fjölbreyttara atvinnulífi hér á landi í mannauði og rekstrarformi. Í vinnu hópsins urðu til tvenns konar afurðir; myndbandaröð um fjölbreytileika í sinni víðustu mynd og lotukerfi fjölbreytileikans að bandarískri fyrirmynd - staðfært yfir á íslenskan raunveruleika árið 2019.

Nánari upplýsingar má fá hjá Védísi Hervöru Árnadóttur, samskipta- og miðlunarstjóra Viðskiptaráðs og verkefnastýru átaksins.

Tengt efni

Hugsum stærra - Viðskiptaþing 2021

Viðskiptaþing 2021 fer fram fimmtudaginn 27. maí kl. 9:00-10:00 í vefútsendingu ...
20. maí 2021

Fjölbreytileiki: Árvekniátak Viðskiptaráðs Íslands

Viðskiptaráð Íslands kynnir til leiks árvekniátak um fjölbreytileika. Aukin ...
21. maí 2019

Ræða formanns Viðskiptaráðs og forsætisráðherra

Viðskiptaþing 2020 hefst klukkan 13:00. Hér getur þú horft á streymi af ræðum ...
13. feb 2020