Vettvangurinn - Viðskiptaráð á samfélagsmiðlum

Stofnaður hefur verið umræðuhópur fyrir félaga Viðskiptaráðs á LinkedIn undir yfirskriftinni Vettvangurinn. Umræðuhópnum er ætlað að stuðla að gagnsæi í störfum ráðsins og gera félagsmönnum betur kleift að hafa áhrif á málefnastarfið. Til þess munu starfsmenn Viðskiptaráðs nýta Vettvanginn m.a. til að upplýsa félaga reglulega um verkefni sín, leita athugasemda og ráða auk þess að hvetja almennt til umræðu um málefni líðandi stundar.

Félagar geta gerst meðlimir í Vettvangnum með því að sækja um það hér.

Upplýsingamiðlun ráðsins á samfélagsmiðlum hefur jafnframt aukist með öðrum leiðum síðustu mánuði og misseri. Má þar nefna facebook síðu ráðsins sem tekin var í gagnið í ágúst 2010 þar sem fréttum, greinum, upplýsingum um viðburði og öðru útgefnu efni er miðlað áfram með reglubundnum hætti. Þá heldur Viðskiptaráð úti myndasafni á flickr þar sem myndir af fundum og öðrum viðburðum eru hýstar til að auðvelda aðgengi félaga að þeim. Að auki er Viðskiptaráð með sérstaka síðu á Linkedin, Iceland Chamber of Commerce, þar sem sérstök áhersla verður lögð á að miðla erlendu efni sem ráðið gefur út. Þessir miðlar eru í sífelldri mótun og því eru allar ábendingar félaga um betrumbætur vel þegnar á ragnar@vi.is.

Hægt er að nálgast allar síður ráðsins á samfélagsmiðlum á forsíðu vi.is.

Tengt efni

Viðskiptaráð leitar að sérfræðingi í samskiptum og miðlun

Hefur þú brennandi áhuga á viðskiptalífinu? Frestur til og með 25. júní
15. jún 2021

Afnema þarf að fullu einokunarverslun ríkisins á smásölu með áfengi

Einokunarstaða ÁTVR hefur þær afleiðingar að kraftar samkeppni leiða ekki til ...
4. mar 2021

Viðskiptaráð leitar að sérfræðingi í samskiptum og miðlun

Viðskiptaráð Íslands leitar að sérfræðingi í samskiptum og miðlun. Starfið ...
2. jún 2020