Fögnum lækkun bankaskatts

Viðskiptaráð hefur skilað inn umsögn um sérstakan skatt á fjármálafyrirtæki (bankaskatt). Viðskiptaráð hefur oft á síðustu misserum vakið athygli á því að bankaskatturinn sé alltof hár, mun hærri en á Norðurlöndunum og beri að lækka allverulega eða afnema. Því er fagnaðarefni að nú skuli lækka skatthlutfall bankaskattsins í skrefum úr 0,376% af skuldum í 0,145% samkvæmt frumvarpinu. Þó ætti að ganga lengra að mati Viðskiptaráðs og lækka skattinn meira svo hann sé í takt við skattlagningu fjármálafyrirtækja í nágrannalöndunum.

Í umsögninni eru raktar fjórar ástæður fyrir því að lækka skuli bankaskattinn:

  1. Bankaskattur hækkar útlánavexti og rýrir ávöxtun sparnaðar heimila
  2. Bankaskattur dregur úr samkeppnishæfni íslensks fjármálamarkaðar og hagkerfis
  3. Bankaskattur dregur úr samkeppni sem neytendur borga á endanum
  4. Bankaskattur rýrir ríkiseignir um tugi milljarða króna

Hér má lesa umsögnina í heild sinni

Tengt efni

Hækkun bankaskatts er bjarnargreiði

Hver greiðir raunverulega bankaskattinn?
17. feb 2022

Skattadagurinn 2022: Ávarp fjármála- og efnahagsráðherra

Ávarp Bjarna Benediktssonar á Skattadegi Viðskiptaráðs, Deloitte og SA, 13. ...
13. jan 2022

Þetta er ekki búið fyrr en það er búið

Svanhildur Hólm gerir upp árið 2021 - sýninguna sem ekki hefði verið selt inn á.
29. des 2021