Skynsamleg vaxtaákvörðun

Peningastefnunefnd Seðlabankans ákvað að halda vöxtum bankans óbreyttum í dag. Efnahagsbatinn heldur áfram að mati bankans en óvissa hefur aukist vegna versnandi efnahagshorfa í helstu viðskiptalöndum. Verðbólguhorfur hafa hins vegar versnað en verðbólga mælist nú fjórum prósentum yfir markmiði bankans. Þrátt fyrir þetta verða vextir óbreyttir í bili.

„Ákvörðunin er skynsamleg þar sem sá efnahagsbati sem hér hefur mælst undanfarin misseri stendur veikum fótum og er um of neysludrifinn. Tímabundnar aðgerðir sem gengið hafa á sparnað landsmanna vega þar þungt. Hagvöxtur kemst ekki varanlega á skrið á ný fyrr en fjárfestingar eru farnar að taka við sér og enn virðist bið á því, þó veikar vísbendingar séu um aukna atvinnuvegafjárfestingu. Þá er títtnefndur áhugi erlendra aðila á fjárfestingu í verkefnum hérlendis enn bara í orði.“ segir Finnur Oddsson, framkvæmdastjóri Viðskiptaráðs Íslands.

Seðlabankinn gaf jafnframt ótvírætt til kynna að óðum styttist í vaxtahækkanir og áhrif nýlegra launahækkana spila þar inn í. Það er því mikilvægt að hið opinbera auki á aðhald ríkisfjármálastefnunnar því óbreytt ástand mun auka líkur á vaxtahækkunum næstu misserin.

Tengt efni

Umsagnir

Stefna til óstöðugleika og ósjálfbærni?

Beita þarf ríkisfjármálum af skynsemi við núverandi aðstæður og setja endurreisn ...
1. sep 2020
Staðreyndir

Sólin rís í austri og skattahækkanir eru fleiri en lækkanir

Um áramót voru gerðar 18 skattahækkanir og 6 skattalækkanir. Ný þrepaskipting ...
21. apr 2020
Umsagnir

Viðspyrna forsenda velferðar

Í ljósi þess hve mikið er í húfi, einkum vegna atvinnuleysis á „biblískum skala“ ...
28. apr 2020