Uppfærsla á skýrslu um stöðu efnahagsmála

Frá haustinu 2008 hefur Viðskiptaráð staðið fyrir útgáfu skýrslu á ensku um þróun efnahagsmála hérlendis, The Icelandic Economic situation – Status report. Skýrslan hefur alls verið uppfærð 15 sinnum og að jafnaði verið send á yfir 2.000 erlenda tengiliði í fyrirtækjum, alþjóðastofnunum, systursamtökum Viðskiptaráðs og stjórnkerfum annarra ríkja víðs vegar um heim.

Skýrslan kom síðast út í apríl 2012 og hafði þá að geyma viðamikið safn af upplýsingum, tilvísunum og hlekkjum í vefsíður og gögn fjölmargra aðila tengd orsökum efnahagskreppunnar, úrlausn hennar og stöðu efnahagsmála almennt. Má þar m.a. nefna upplýsingar um þróun gjaldeyrishafta, áætlun AGS, Icesave málið, endurskipulagningu skulda heimila og fyrirtækja og stöðu ríkisfjármála. Samhliða útgáfu skýrslunnar eru gefnar út glærur þar sem stiklað er á stóru auk þess sem öll hrágögn að baki skýrslunni eru gerð aðgengileg.

Nú stendur yfir uppfærsla á skýrslunni sem gefin verður út snemma í júní. Félagsmenn Viðskiptaráðs eru hvattir til að hafa samband hafi þeir ábendingar um áhugavert efni sem vert væri að miðla áleiðis til erlendra aðila. Allar frekari upplýsingar veitir Viðar Ingason, hagfræðingur Viðskiptaráðs. Til að fá allar uppfærslur af skýrslunni er hægt að skrá sig hér.

Tengt efni

Átján fyrirmyndarfyrirtækjum í stjórnarháttum veitt viðurkenning

Hópur fyrirtækja í fjölbreyttri starfsemi hlaut í dag verðlaun fyrir góða ...
22. ágú 2023

Icelandic Economy 2F 2023

Viðskiptaráð hefur birt nýja ársfjórðungslega útgáfu af The Icelandic Economy. ...
28. apr 2023

Icelandic Economy 4F 2022

Viðskiptaráð hefur birt nýja ársfjórðungslega útgáfu af The Icelandic Economy. ...
13. okt 2022