Reykjavíkurborg selur loksins Vélamiðstöðina

Í gær var undirritaður samningur um kaup Íslenska Gámafélagsins ehf. á Vélamiðstöðinni ehf. sem hefur verið í eigu Reykjavíkurborgar, bæði beint og óbeint með eignaraðild Orkuveitunnar. 

Viðskiptaráð fagnar þessari einkavæðingu. Ráðið lét sig málefni Vélamiðstöðvarinnar varða á síðasta ári í kjölfar útboðs vegna gámaþjónustu við endurvinnslustöðvar. Gagnrýndi ráðið mjög þessa atvinnustarfsemi borgarinnar og Orkuveitunnar og benti á ójafna samkeppnisstöðu á þessum markaði vegna hennar.

Nú er því fagnað að fyrirtækjum borgarinnar fækkar um eitt um leið og Verslunarráð hvetur til þess að áfram verði haldið á sömu braut, bæði með sölu borgarfyrirtækja, eins og Malbikunarstöðvarinnar, og með því að borgin dragi sig úr samkeppnisrekstri eins og t.d. dagvistun barna.

Tengt efni

Sveitarfélög horfi til alþjóðageirans

Viðskiptaráð hvetur Reykjavíkurborg til að skapa atvinnulífinu gott ...
2. jún 2021

Aðkoma einkaaðila stuðlar að nauðsynlegri uppbyggingu á landsvæði ríkisins

Aðkoma einkaaðila og aukin fjárfesting þeirra getur stuðlað að nauðsynlegri ...
10. des 2020

Tvöfalt heilbrigðiskerfi í bígerð

Viðskiptaráð hvetur ráðherra til að ná samningum á grundvelli tímabærra ...
23. apr 2021