Vel heppnað Viðskiptaþing 2022

Húsfyllir var á vel heppnuðu Viðskiptaþingi 2022 sem Viðskiptaráð stóð fyrir á Hilton Reykjavík Nordica föstudaginn 20. maí.

Almennt hefur Viðskiptaþing verið haldið í febrúar ár hvert en vegna heimsfaraldurs eru rúm tvö ár liðin frá því að unnt var að halda viðburðinn með hefðbundnu sniði.

Að þessu sinni var yfirskrift Viðskiptaþings: „Tímarnir breytast og vinnan með – Vatnaskil á vinnumarkaði.“ Á þinginu var m.a. fjallað um vinnumarkaðinn, vinnustaði, þær miklu breytingar sem virðast vera að eiga sér stað og hlutverk stjórnenda í þeim, samspil menntakerfis og atvinnulífs og fleira.

Aðalfyrirlesari var Dr. Alan Watkins, stjórnendaþjálfari og eigandi Complete. Aðrir ræðumenn voru Ari Fenger, formaður Viðskiptaráðs Íslands, Katrín Jakobsdóttir forsætisráðherra, Ásdís Eir Símonardóttir, formaður Mannauðs, Áslaug Arna Sigurbjörnsdóttir, ráðherra háskóla, iðnaðar og nýsköpunar, og móralski leiðtoginn Pétur Jóhann Sigfússon.

Þá ræddu þau Ásmundur Einar Daðason, barna- og menntamálaráðherra, Margrét Lára Friðriksdóttir, mannauðsstjóri Össurar, og Selma Rún Friðjónsdóttir, háskólanemi, um menntakerfið og samspil þess við atvinnulífið í panel undir stjórn Svanhildar Hólm Valsdóttur, framkvæmdastjóra Viðskiptaráðs.

Ari Fenger, formaður Viðskiptaráðs
Katrín Jakobsdóttir, forsætisráðherra
Ásdís Eir Símonardóttir, formaður Mannauðs
Dr. Alan Watkins, stjórnendaþjálfari og eigandi Complete
Áslaug Arna Sigurbjörnsdóttir, háskóla-, iðnaðar- og nýsköpunarráðherra
F.v. Svanhildur Hólm Valsdóttir, framkvæmdastjóri Viðskiptaráðs, Ásmundur Einar Daðason, barna- og menntamálaráðherra, Margrét Lára Friðriksdóttir, mannauðsstjóri Össurar, og Selma Rún Friðjónsdóttir, háskólanemi.
Móralski leiðtoginn Pétur Jóhann Sigfússon

Tengt efni

Tryggðu þér miða á Viðskiptaþing 2022

Miðasala er hafin á Viðskiptaþing 2022 sem fer fram föstudaginn 20. maí á Hilton ...
3. maí 2022

Ný stjórn Viðskiptaráðs Íslands

Úrslit formanns- og stjórnarkjörs fyrir tímabilið 2022-2024 voru kynnt á ...
10. feb 2022