Við leitum að nýjum hagfræðingi

Viðskiptaráð Íslands auglýsir eftir nýjum hagfræðingi. Við leitum að kraftmiklum einstaklingi sem hefur áhuga á að bæta rekstrarumhverfi fyrirtækja á Íslandi. Starfið er fjölbreytt og samanstendur meðal annars af skrifum og greiningarvinnu vegna útgáfu nýs efnis, miðlun í gegnum fjölmiðla og þátttöku í mótun stefnu ráðsins.

Helstu verkefni

  • Skrif úttekta, skýrslna, blaðagreina, álita, umsagna um þingmál og gerð kynninga
  • Ytri samskipti og tengslamyndun gagnvart fjölmiðlum og öðrum hagsmunaaðilum
  • Leiðandi hlutverk í mótun og framkvæmd málefnastarfs ráðsins
  • Leiðsögn fyrir sérfræðing á hagfræðisviði
  • Virkt hlutverk í stefnumörkun ráðsins

Menntunar- og hæfniskröfur

  • Háskólagráða í hagfræði ásamt rétti til að kalla sig hagfræðing
  • Viðeigandi starfsreynsla æskileg
  • Áhugi á þjóðmálum og grunnþekking á rekstrarumhverfi atvinnulífsins
  • Frumkvæði og hæfileikar til að laga sig að fjölbreyttum og krefjandi verkefnum
  • Færni í að tjá sig í ræðu og riti á íslensku og ensku

Umsókn ásamt ferilskrá sendist á starfsumsokn@vi.is. Umsóknarfrestur er til og með 12. febrúar 2017. Nánari upplýsingar veitir Frosti Ólafsson, framkvæmdastjóri Viðskiptaráðs, í síma 510 7100.

Viðskiptaráð Íslands var stofnað árið 1917 sem frjáls félagasamtök fyrirtækja, félaga og einstaklinga í íslensku atvinnulífi. Við bjóðum upp á lifandi vinnustað ásamt ríku tækifæri til að móta eigið starfsumhverfi.

Tengt efni

Reiðir pennar

Haukur Viðar Alfreðsson, doktorsnemi í skattahagfræði, segir Viðskiptaráð fara ...
15. sep 2022

Lifandi hundur er öflugri en dautt ljón

„Efnahagsvandi okkar Íslendinga er fólginn í þeirri fáránlegu skoðun ...
26. sep 2022

Hvar er vondi kallinn?

Eru fyrirtæki vond? Græðir einhver á því að fyrirtæki hagnist? Hvað gera ...
14. jún 2022