Viðskiptaráð verðlaunaði útskriftarnema HR

-Ásta S. Fjeldsted, framkvæmdastjóri Viðskiptaráðs - t.h. með verðlaunahöfum. Á myndina vantar Sigríði Maríu Egilsdóttur, verðlaunahafa úr lögfræðideild.

Viðskiptaráð Íslands hefur í gegnum tíðina verðlaunað nema sem útskrifast með láði frá Háskólanum í Reykjavík. Síðastliðinn laugardag, þann 10. febrúar sl., var árleg útskrift HR þar sem Ásta S. Fjeldsted, framkvæmdastjóri Viðskiptaráðs, flutti ræðu og verðlaunaði fjóra nemendur.

Sagði Ásta meðal annars í ræðu sinni: „Á tímum þar sem tæknin er að breyta leikreglum atvinnu- og viðskiptalífsins er nánast ómögulegt að segja til um hvað þið munið starfa við á næstu árum. Starfsemi fyrirtækja og uppbygging þeirra er að gjörbreytast og kröfur til starfsfólks sömuleiðis. Við þurfum því að vera tilbúin að aðlaga okkur að breyttum heimi þar sem sjálfvirknivæðing og gervigreind munu leika stærra hlutverk en áður."

Eftirtaldir nemendur hlutu viðurkenningu Viðskiptaráðs fyrir framúrskarandi námsárangur:

Úr lagadeild – Sigríður María Egilsdóttir

Úr tækni- og verkfræðideild – Magnús Hagalín Ásgeirsson

Úr tölvunarfræðideild – Agnes Jóhannesdóttir

Úr viðskiptadeild – Brynjar Gauti Guðjónsson

Viðskiptaráð óskar þeim til hamingju með árangurinn og óskar þeim gæfu og velfarnaðar í framtíðinni.

Ræða Ástu S. Fjeldsted í heild sinni.

Tengt efni

Tilnefndu sjálfbærniskýrslu ársins fyrir 17. maí

Sjálfbærniskýrsla ársins verður verðlaunuð 7. júní
12. maí 2022

Sjálf­bærni­skýrsla árs­ins 2022

Festa, Stjórnvísi og Viðskiptaráð Íslands veita viðurkenningu fyrir ...
7. jún 2022

Viltu tilnefna sjálfbærniskýrslu ársins?

Viðskiptaráð, Festa og Stjórnvísi verðlauna sjálfbærniskýrslu ársins.
24. mar 2022