15% vaskur

Þjóðarpúls Gallup spurði nýverið hvort fólk teldi mikilvægara að tekjuskattur eða virðisaukaskattur væri lækkaður. Meirihluti þátttakenda í Þjóðarpúlsi Gallup, eða um 57%, taldi mikilvægara að virðisaukaskattur væri lækkaður.   

Viðskiptaráð lagði til í skýrslu sinni 15% landið sem kynnt var í febrúar sl. að stefna skuli að því að einfalda virðisaukaskattskerfið, fækka undanþágum og hafa einungis eina skattprósentu í virðisaukaskatti, 15%.  Það er gerlegt að koma á einu skattþrepi í virðisaukaskattskerfinu og að því ber að stefna. Það er mun æskilegra en að auka þann mun sem er á milli efra og lægra þrepsins í dag.

Við eigum að vinna að því að einfalda skattkerfið eins og kostur er. Þau viðhorf sem fram koma í Þjóðarpúls Gallup eru án efa vitnisburður um að fólk skynjar að við Íslendingar erum með skattglöðustu þjóðum heims þegar kemur að vaskinum: fáar þjóðir státa af 24,5% vaski á efra þrepi.  Slíkt fyrirkomulag eykur undanskot og verkar letjandi.

Viðskiptaráð Íslands boðar til ráðstefnu um flata skatta hinn 20. október nk. þar sem m.a. verður fjallað um eitt 15% í virðisaukaskatti.

Þór Sigfússon

Tengt efni

Sólin rís í austri og skattahækkanir eru fleiri en lækkanir

Um áramót voru gerðar 18 skattahækkanir og 6 skattalækkanir. Ný þrepaskipting ...
21. apr 2020

Viðskiptaþing 2013

Viðskiptaþing 2013 er haldið undir yfirskriftinni Stillum saman strengi: ...
13. feb 2013

Framþróun og staða fjármálakerfis Íslands - The Internationalisation of Iceland's Financial Sector

Viðskiptaráð Íslands kynnti nýja skýrslu um framþróun og stöðu fjármálakerfis ...
21. nóv 2007