Bush skipar Mishkin seðlabankastjóra

George W. Bush forseti Bandaríkjanna hefur skipað dr. Frederic S. Mishkin einn af seðlabankastjórum Bandaríkjanna. Eins og kunnugt er ritaði Mishkin nýverið skýrslu um efnahagsstöðugleika á Íslandi ásamt dr. Tryggva Þór Herbertssyni, sem Viðskiptaráð Íslands gaf út. Niðurstaða skýrslunnar var sú að ekki væri ástæða til að óttast fjármálakreppu á Íslandi.
 
Seðlabankastjórar Bandaríkjanna eru sjö talsins og eru skipaðir til fjórtán ára. Dr. Mishkin er nú prófessor við Columbia University og er almennt talinn einn af helstu sérfræðingum heims þegar kemur að því að meta efnahagslegan óstöðugleika. Mishkin er fyrrverandi forseti Eastern Economic Association og var áður prófessor við University of Chicago, Northwestern University og Princeton University. Hann hlaut doktorsgráðu sína frá Massachusetts Institute of Technology.
 
Fréttatilkynning Hvíta hússins:
http://www.whitehouse.gov/news/releases/2006/06/20060630-1.html

Tengt efni

Sameiningin sem endaði ofan í skúffu

Ásta S. Fjeldsted, framkvæmdastjóri Viðskiptaráðs, fjallar um áform stjórnvalda ...
5. ágú 2020

Vinnumarkaður: Lágmörkun óvissu eða uppspretta óvissu?

Fátt bendir til þess að vinnumarkaðurinn verði veigaminni óvissuþáttur á næstu ...
18. feb 2021

Gölluð og óljós leið hlutdeildarlána

Markmið frumvarps um hlutdeildarlán eru góð en leiðin að þeim er ekki líkleg til ...
22. jún 2020