Breytt flugmálastefnu Kanada gagnast Íslendingum

Viðskiptaráð fagnar fyrirhuguðum breytingum á heimildum til loftferða milli Íslands og Kanada. Kanadastjórn hefur ákveðið að sama regla skuli gilda gagnvart öðrum ríkjum, og gilt hefur gagnvart Bandaríkjunum, þannig að meginreglan sé að lofthelgin sé opin. Um miklar umbætur er að ræða af hálfu samgönguráðuneytis Kanada. Íslensk stjórnvöld eiga að sama skapi hrós skilið fyrir þeirra framlag, en þau hafa beitt sér fyrir þessum breytingum.

Viðskiptaráð hefur barist fyrir breytingum á þessu sviði enda er þetta mikið hagsmunamál fyrir íslensk fyrirtæki þar sem Kanada er nágrannríki okkar í vestri. Það frjálsræði sem fylgir hinni nýju stefnu kemur vafalaust til með að endurspeglast í auknum viðskiptum milli landanna. Við hvetjum stjórnvöld til að halda áfram á sömu braut enda fjölmargir möguleikar til úrbóta þegar kemur að alþjóðlegum samningum, s.s. tvísköttunar-, fríverslunar-, fjárfestinga- og loftferðasamningum.

Tengt efni

Alvarlegar athugasemdir við frumvarp til laga um breytingar á fjarskiptalögum

Samtök atvinnulífsins, Samtök iðnaðarins og Viðskiptaráð Íslands hvetja til þess ...
21. des 2021

Flugeldasýningar endast stutt

Stundum er sagt að kjósendur fái þá stjórn sem þeir eiga skilið. Á móti má segja ...
24. sep 2021

Réttarbót og staðfesting á túlkun EFTA dómstólsins

Að mati samtakanna er veruleg hætta á því að málsmeðferðartími stjórnvalda ...
31. jan 2021